ଦୀପରୁ ନିଆଁ ଲାଗି ଜଳିଗଲେ ବୃଦ୍ଧା

ସୁନ୍ଦରଗଡ, ୩୧/୦୧ (ସନ୍ଧାନନିଉଜ/ରାଜୁ ପଟେଲ ) ସୁନ୍ଦରଗଡ ଜିଲ୍ଲା  ତଲସରା ଥାନା, ସବଡେ଼ଗା  ବ୍ଲକ ଅନ୍ତର୍ଗତ ତୁମଲିଆ ପଞ୍ଚାୟତ ର ସାପଡଗର ଗ୍ରାମର ଜଣେ ବୃଦ୍ଧାଙ୍କର ଦୀପ ଜାଳୁଥିବା ସମୟରେ  ପୋଡି  ହୋଇ ମୃତ୍ୟୁ ହୋଇଛି I  ସୂଚନା ଅନୁସାରେ ସାପଡଗର ଗ୍ରାମର ବୃଦ୍ଧା କଂଶଲା ତୁଳସୀ ନିଜ ଘରେ ଥିବା ତୁଳସୀ ଚଉରା ମୂଳରେ ଦୀପ ଜାଳୁଥିବା ସମୟରେ ଅସାବଧାନତା କାରଣରୁ ତାଙ୍କ ଶାଢ଼ୀ ରେ ନିଆଁ ଲାଗି ଯାଇଥିଲା I ସେତେବେଳେ ଘରେ କେବଳ ତାଙ୍କ ନାତୁଣୀ ଥିଲା ,ସେ ବାହାରକୁ ଯାଇ ତାର ବାପା ,ମା ଙ୍କୁ ଡାକିବା ଯାଏଁ ବହୁତ ଡେରି ହୋଇ ଯାଇଥିଲା I ତାଙ୍କର ଶାଢ଼ୀ ଟି ସମ୍ପୂର୍ଣ ରୂପେ ଜଳିଯାଇଥିବା ବେଳେ ସେ ଗୁରୁତର ହୋଇ ପଡିଥିଲେ I ତାଙ୍କୁ ଉଦ୍ଧାର କରି ସୁନ୍ଦରଗଡ ସରକାରୀ ଡାକ୍ତରଖାନାକୁ ଅଣIଯାଇଥିଲା I ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା I ତଲସରା ପୋଲିସ ଶବ କୁ ଜବତ କରି ବ୍ୟବଚ୍ଛେଦ ପାଇଁ ପଠେଇ ଘଟଣା ର ତଦନ୍ତ ଆରମ୍ଭ କରିଛନ୍ତି I  ଏପରି ଦୁଖଦ ଘଟଣାକୁ ନେଇ ସମଗ୍ର ଅଂଚ ରେ ଶୋକର ଛାୟା ଖେଳି ଯାଇଛି I