ଦିଲ୍ଲୀରୁ ଛତିଶଗଡକୁ ଯାଉଥିବା ଦୁର୍ଗ ଏକ୍ସପ୍ରେସ୍‌ରେ ଲାଗିଲା ନିଆଁ,କାରଣ ଅସ୍ପଷ୍ଟ

ମଧ୍ୟପ୍ରଦେଶ, ୨୬/୧୧ (ସନ୍ଧାନ ନିଉଜ): ଦିଲ୍ଲୀରୁ ଛତିଶଗଡକୁ ଯାଉଥିବା ଦୁର୍ଗ ଏକ୍ସପ୍ରେସର ଚାରୋଟି ବଗିରେ ଅଗ୍ନିକାଣ୍ଡ ଘଟିଛି। ହଠାତ୍ ଚାରିଟି ବଗିରେ ଧୂଆଁ ବାହାରିଥିବାବେଳେ ଏହାର କାରଣ ଜଣାପଡିନାହିଁ । ତେବେ ମଧ୍ୟପ୍ରଦେଶର ମୋରେନାସ୍ଥିତ ହେଟାମପୁର ରେଳ ଷ୍ଟେସନରେ ଏହି ଟ୍ରେନକୁ ଅଟକାଇ ଦିଆଯାଇଛି। ସେଠାରେ ନିଆଁକୁ ଆୟତ୍ତ କରିବା ପାଇଁ ଅଗ୍ନିଶମ ବାହିନୀ ଘଟଣାସ୍ଥଳରେ ଅଛନ୍ତି। ସୂଚନା ଅନୁଯାୟୀ ଦୁର୍ଗ-ଉଦାମପୁର ଏକ୍ସପ୍ରେସରେ ଟ୍ରେନରେ ନିଆଁ ଲାଗିଯାଇଛି । ଏହି ଟ୍ରେନ ଦିଲ୍ଲୀରୁ ଦୁର୍ଗକୁ ଯାଉଥିଲା। ସୂଚନା ପାଇବା ମାତ୍ରେ ଅଗ୍ନିଶମ ବିଭାଗର ୫ ଟି ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବାରେ ନିୟୋଜିତ ଅଛନ୍ତି।