ଚଣ୍ଡିଖୋଲ, ୧୦/୪ (ସନ୍ଧାନ ନିୟୁଜ)-ବଡ଼ଚଣା ଥାନା ଧାନମଣ୍ଡଳ ଫାଣ୍ଡି ଅନ୍ତର୍ଗତ ସିହା ଗ୍ରାମର ଯୁଧିଷ୍ଟିର ସାହୁ(୪୩) ର ମୃତ ଦେହ ଆଜି ସକାଳେ ପୋଲିସ୍ ଉଦ୍ଧାର କରିଛି । ନିଜ ଗ୍ରାମରେ ଥିବା ହରିକୁଣ୍ଡ ପୋଖରୀରେ ଯୁଧିଷ୍ଟିର ସାହୁଙ୍କ ମୃତ ହେବ ପଡ଼ିଥିବାର ଜାଣି ଗ୍ରାମବାସୀ ମାନେ ପୋଲିସ୍କୁ ଖବର ଦେଇଥିଲେ । ମୃତ ଯୁବକ ଶ୍ରୀ ସାହୁ ଜଣେ ଦିବ୍ୟାଙ୍ଗ ବ୍ୟକ୍ତି ଓ ସେ ନିଜର ଭିନ୍ନକ୍ଷମ ଭତା ଓ ଗାଁ ମୁଣ୍ଡରେ ଏକ ଛୋଟିଆ ପାନ ଦୋକାନ କରି ନିଜର ଗୁଜୁରାଣ ମେଂଟାଇଥାନ୍ତି । ପୂର୍ବ ଶତୃତାକୁ କେହି ତାଙ୍କୁ କେହି ହତ୍ୟା କରିଥିବାର ଗ୍ରାମ ବାସୀମାନେ ସନେ୍ଦହ କରୁଥିବା ବେଳେ ତାଙ୍କର କେହି ଶତୃ ନାହାଁନ୍ତି ବୋଲି ପରିବାର ଲୋକଙ୍କ ଠାରୁ ପ୍ରକାଶ । କିନ୍ତୁ ଶ୍ରୀ ସାହୁଙ୍କର ଦୁଇ ଆଖିକୁ ଧାରୁଆ ଅସ୍ତ୍ର ସାହାର୍ଯ୍ୟରେ ନଷ୍ଟ କରାଯାଇଥିବାର ଦେଖିବାକୁ ମିଳୁଛି । ଯାହାକି ଏକ ହତ୍ୟାକାଣ୍ଡ ହୋଇଥାଇ ପାରେ ବୋଲି ବଡ଼ଚଣା ଥାନା ଅଧିକାରୀଙ୍କ ପକ୍ଷରୁ ସୂଚନା ମିଳିଛି । ଶବ ବ୍ୟବଚ୍ଛେଦ ପରେ ପ୍ରକୃତ ତଥ୍ୟ ଜଣା ପଡ଼ିବ ବୋଲି ଥାନା ଅଧିକାରୀଙ୍କ ପକ୍ଷରୁ ସୂଚନା ଦିଆଯାଇଛି । ଶ୍ରୀ ସାହୁଙ୍କର ସ୍ତ୍ରୀ ଓ ଦୁଇ ପିଲା ଥିବାରୁ ସେମାନଙ୍କୁ ସରକାରୀ ସହାୟତା ପ୍ରଦାନ କରିବାକୁ ଗ୍ରାମାବାସୀମାନେ ଜିଲ୍ଲା ପ୍ରଶାସନ ନିକଟରେ ଦାବୀ କରିବା ସହିତ ଯଥା ଶିଘ୍ର ହତ୍ୟାକାରୀକୁ ଚିହ୍ନଟ କରି ଅଭିଯୁକ୍ତଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏସ.ପି.ଙ୍କ ନିକଟରେ ଦାବୀ କରିଛନ୍ତି ।
report manas rout
