ଧାମନଗର: ୩୧/୧୦/୨୦୨୦ (ସନ୍ଧାନ ନିଉଜ): ଧାମନଗର ବ୍ଲକ ଅନ୍ତର୍ଗତ ଦକ୍ଷିଣବା ଡ ଗ୍ରାମରେ ଏକ ଯୁବକ ଙ୍କୁ ସେହି ଅଞ୍ଚଳ ର କେତେକ ଯୁବକ ଲୁହା ରଡ଼ ରେ ପିଟି ପିଟି ଦିନ ଦ୍ୱିପହର ଅତି ନିର୍ମମ ଭାବରେ ହତ୍ୟା କରିବା ଦ୍ୱାରା ସେହି ଅଞ୍ଚଳ ରେ ଉତ୍ତେଜନା ଲାଗି ରହିବା ସହ ଦୋଷୀ ଙ୍କୁ ଗିରଫ କରାଯାଇଛି।
ସୂଚନା ଅନୁଯାୟୀ ଦକ୍ଷିଣବାଡ ଗ୍ରାମର ସ୍ବର୍ଗତ ତ୍ରିଲୋଚନ ପଣ୍ଡା ଙ୍କ ପୁଅ ସତ୍ୟଜିତ ପଣ୍ଡା (୨୩) ଙ୍କ ର ସେହି ଅଞ୍ଚଳ ରେ କିଛି ଯୁବକ ଙ୍କ ସହ ବହୁ ଦିନ ପୂର୍ବରୁ ଝଗଡ଼ା ହୋଇଥିଲା। ସେହି ପୂର୍ବ ଶତ୍ରୁତା କୁ କେନ୍ଦ୍ର କରି ଶୁକ୍ରବାର ଦିନ ତିନିଟା ସମୟରେ ସତ୍ୟଜିତ ବାଇକ୍ ମାଧ୍ୟମରେ ନିଜ ଘରକୁ ଫେରୁଥିବା ସମୟରେ ଧାମନଗର ପଞ୍ଚାୟତ ସମିତି କାର୍ଯ୍ୟାଳୟ ସମ୍ମୁଖରେ ଉକ୍ତ ଯୁବକ ମାନେ ସତ୍ୟଜିତ ଙ୍କୁ ଅଟକାଇବା ସହ ଲୁହା ରଡ଼ ରେ ପିଟି ଥିଲେ। ଏଥିରେ ସତ୍ୟଜିତ ଙ୍କ ମୁଣ୍ଡର ଶକ୍ତ ଆଘାତ ଲାଗିଥିବା ରୁ ମୁଣ୍ଡରୁ ପ୍ରଚଣ୍ଡ ରକ୍ତସ୍ରାବ ହେବାରୁ ଅଚେତ୍ ହେବା ସମୟରେ ତାଙ୍କୁ ରାସ୍ତା କଡ଼ରେ ଛାଡ଼ି ଦେଇ ସେହି ଯୁବକ ମାନେ ପଳାଇ ଯାଇଥିଲେ।
କୌଣସି ମାଧ୍ୟମରେ ଅଗ୍ନିଶମ ବିଭାଗ ଖବର ପାଇ ସତ୍ୟଜିତ ଙ୍କୁ ପ୍ରଥମେ ଧାମନଗର ଡାକ୍ତର ଖାନା ଏବଂ ପରେ ଭଦ୍ରକ ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରତ କରାଯାଇଥିଲା। ସେଠାରେ ଚିକିତ୍ସା ସମୟରେ ସତ୍ୟଜିତ ଶେଷ ପ୍ରାଣବାୟୁ ତ୍ୟାଗ କରିଥିଲେ। ଦୋଷୀ ଙ୍କୁ ଧରିବା ପାଇଁ ସତ୍ୟଜିତ ଙ୍କ ପରିବାର ଲୋକେ ଏବଂ ଗ୍ରାମବାସୀ ମାନେ ରାସ୍ତା ରୋକ କରିଥିଲେ। ଧାମନଗର ଥାନା ଅଧିକାରୀ ଏଥିରେ ତଦନ୍ତ କରି ସମସ୍ତ ଦୋଷୀଙ୍କୁ ଗିରଫ କରିବାରେ ସକ୍ଷମ ହୋଇଛି।
