ଢେଙ୍କାନାଳ: ଚାରି ବନ୍ୟଜନ୍ତୁ ଶିକାରୀ ଗିରଫ

ଢେଙ୍କାନାଳ, ୦୧/୧୨/୨୦୨୦ (ସନ୍ଧାନ ନିଉଜ): ଢେଙ୍କାନାଳ ହିନ୍ଦୋଳ ରେଞ୍ଜରେ ଚାରି ବନ୍ୟଜନ୍ତୁ ଶିକାରୀଙ୍କୁ ଗିରଫ କରିଛି ବନବିଭାଗ । ଗତକାଲି ବନବିଭାଗର ଗୋଟିଏ ଟିମ୍ ପାଟ୍ରୋଲିଂ କରୁଥିବା ବେଳେ କିଛି ଲୋକଙ୍କ ଗତିବିଧି ଦେଖିବାକୁ ମିଳିଥିଲା । ପରେ ବନବିଭାଗ କର୍ମଚାରୀମାନେ ସେମାନଙ୍କୁ ପିଛାକରି କାବୁ କରିଥିଲେ । ସେମାନଙ୍କ ଠାରୁ ଗୋଟିଏ ବନ୍ଧୁକ ସହିତ ଅନ୍ୟାନ୍ୟ ଶିକାର ପାଇଁ ଉଦ୍ଦିଷ୍ଟ ମାରଣାସ୍ତ୍ର ଜବତ ହୋଇଛି । ସେମାନଙ୍କ ମଧ୍ୟରୁ ଦୁଇ ଜଣ ଆଠଗଡ଼ ଅଞ୍ଚଳର ହୋଇଥିବା ଜଣାପଡିଛି । ବନ୍ୟାଜନ୍ତୁ ଶିକାର କରିବା ସେମାନଙ୍କର ମୁଖ୍ୟ ଉଦ୍ଦେଶ୍ୟ ବୋଲି ଡିଏଫଓ କହିଛନ୍ତି । ଗିରଫ ପରେ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।