ଡେଲା ମାଡରେ ଚଣ୍ଡିଖୋଲ ଟ୍ରାଫିକ ଥାନା ଅଧିକାରିଣୀ ଆହତ

ଚଣ୍ଡିଖୋଲ, ୯/୧୦ (ସନ୍ଧାନ ନିୟୁଜ/ମାନସ ରାଉତ) ମଙ୍ଗଳବାର ବିଳମ୍ବିତ ରାତ୍ରିରେ ପ୍ରେଟ୍ରୋଲିଂ କରୁଥିବା ସମୟରେ ଚଣ୍ଡିଖୋଲ ଟ୍ରାଫିକ ଥାନା ଅଧିକାରିଣୀ ବିଜୟନୀ ମାହାଲାଙ୍କ ଉପରେ ଡେଲା ମାଡ ହୋଇଛି । ଡେଲା ମାଡରେ ସେ ଆହତ ହୋଇଥିବା ଜଣାପଡିଛି । ସୂଚନା ମୁତାବକ ରାତ୍ରୀ ସମୟରେ ଚଣ୍ଡିଖୋଲ ସୁଙ୍ଗୁଡା ରାସ୍ତା ନିକଟରେ ପ୍ରେଟୋଲିଙ୍ଗ କରୁଥିବା ବେଳେ କେତେକ ଗାଡିକୁ ଯାଂଚ କରି ଫାଇନ୍ ଆଦାୟ କରିଥିଲେ । ପରେ ହଠାତ ଏକ ଡେଲା ତାଙ୍କ ଗାଡିରେ ବାଜିଥିଲା । କିଛି ସମୟରେ ପରେ ପୁଣି ଏକ ଡେଲା ଆସି ତାଙ୍କ ମୁଣ୍ଡରେ ବାଜିବାରୁ ମୁଣ୍ଡ ଫାଟି ଯାଇଥିଲା । ତୁରନ୍ତ ଅନ୍ୟ ଉପସ୍ଥିତ କର୍ମଚାରୀ ମାନେ ତାଙ୍କୁ ବଡଚଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିବା ବେଳେ ସେଠାରେ ତାଙ୍କ ମୁଣ୍ଡରେ ୪ଟି ଷ୍ଟିଜ୍ ପଡିଛି । ଏହାକୁ ନେଇ ବଡଚଣା ଥାନାରେ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଛି ।