ଡବଲ ମର୍ଡ଼ର ଘଟଣାରେ ଫେରାର୍‌ ଥିବା ମୁଖ୍ୟ ଅଭିଯୁକ୍ତ ପ୍ରଫୁଲ୍ଲ ବିଶ୍ବାଳଙ୍କ ସଂଦେହଜନକ ମୃତ୍ୟୁ

କଟକ, ୦୭.୦୨.୨୦୨୧(ସନ୍ଧାନ ନିଉଜ୍):- ବହୁ ଚର୍ଚ୍ଚିତ କଟକ ମାହାଙ୍ଗା ଡବଲ ମର୍ଡ଼ର ଘଟଣାରେ ଫେରାର୍‌ ଥିବା ମୁଖ୍ୟ ଅଭିଯୁକ୍ତ ପ୍ରଫୁଲ୍ଲ ବିଶ୍ବାଳଙ୍କ ସଂଦେହଜନକ ମୃତ୍ୟୁ । ଟାଙ୍ଗୀ ପୋଲିସର ସୂଚନା ଅନୁସାରେ ଗତକାଲି ରାତି ପ୍ରାୟ ୯ଟାରୁ ୧୦ଟା ମଧ୍ୟରେ  ନୂଆବନ୍ଦାଳ ଛକରେ ଅଜଣାଗାଡ଼ି ଧକ୍କାରେ ପ୍ରଫୁଲ୍ଲଙ୍କ ମୃତ୍ୟୁ ହୋଇଛି । ତେବେ ପାରିପାର୍ଶ୍ବିକ ଅବସ୍ଥାକୁ ଦେଖିଲେ ପ୍ରଫୁଲ୍ଲଙ୍କ ମୃତ୍ୟୁକୁ ନେଇ ନାନା ସଂଦେହ ସୃଷ୍ଟି ହୋଇଛି । ଦୁର୍ଘଟଣା ନା’ ଯୋଜନାବଦ୍ଧ ହତ୍ୟା ?  ମାହାଙ୍ଗା ଡବଲ ମର୍ଡର ଘଟଣା ଫେରାର୍‌ ମୁଖ୍ୟ ଅଭିଯୁକ୍ତ ପ୍ରଫୁଲ୍ଲ ବିଶ୍ବାଳର ସନ୍ଦେହଜନକ ମୃତ୍ୟୁକୁ ନେଇ ଉଠିଛି ଏଭଳି କିଛି ପ୍ରଶ୍ନ । ଟାଙ୍ଗୀ ପୋଲିସର ସୂଚନା ଅନୁସାରେ ଗତକାଲି ରାତି ପ୍ରାୟ ୯ଟାରୁ ୧୦ଟା ମଧ୍ୟରେ  ନୂଆବନ୍ଦାଳ ଛକରେ ଏକ ଦୁର୍ଘଟଣାରେ ପ୍ରଫୁଲ୍ଲର ମୃତ୍ୟୁ ହୋଇଛି । ରାସ୍ତାକଡ଼ରେ ଅକ୍ଷତ ଅବସ୍ଥାରେ ପ୍ରଫୁଲ୍ଲଙ୍କ ବାଇକ୍‌ ଥୁଆ ହୋଇଥିବା ବେଳେ, ସେଥିରେ ହେଲମେଟ୍‌ ରଖାଯାଇଛି, ଆଉ ଏକ ବ୍ୟାଗ୍‌ରେ ପ୍ରଫୁଲ୍ଲଙ୍କ ମୋବାଇଲ, ଗାଡ଼ି କାଗଜପତ୍ର ଓ ଡ୍ରେସ୍‌ ମିଳିଛି । ଏଠି ପ୍ରଶ୍ନ ଉଠୁଛି ଯଦି ଦୁର୍ଘଟଣାରେ ପ୍ରଫୁଲ୍ଲ ବିଶ୍ବାଳଙ୍କ ମୃତ୍ୟୁ ହୋଇଛି ତାହେଲେ, ରାସ୍ତା କଡ଼ରେ ଅକ୍ଷତ ଅବସ୍ଥାରେ ତାଙ୍କର ବାଇକ୍‌, ହେଲମେଟ୍‌, ମୋବାଇଲ୍‌ ଫୋନ୍‌ ରହିଲା କେମିତି ? ଏସବୁ ଛାଡ଼ି କେମିତି  କୌଣସି ଗାଡ଼ି ସାମ୍ନାକୁ ଆସିଲେ ପ୍ରଫୁଲ୍ଲ ?  ନା’ ତାଙ୍କୁ  ଯୋଜନାବଦ୍ଧ ଭାବେ ହତ୍ୟା କରାଯାଇଛି ? କେହି ତାଙ୍କୁ ସେଠାରେ ଅଟକାଇ ହତ୍ୟା କରିବା ପରେ କୌଣସି ଗାଡ଼ି ସାମ୍ନାକୁ ଫିଙ୍ଗି ଦେଇନାହାନ୍ତି ତ ? ବହୁ ଚର୍ଚ୍ଚିତ ମାହାଙ୍ଗା ଡବଲ ମର୍ଡ଼ର ଘଟଣାର ମୁଖ୍ୟ ଅଭିଯୁକ୍ତ ଥିଲେ ପ୍ରଫୁଲ୍ଲ ବିଶ୍ବାଳ । ଗଲା ଜାନୁଆରୀ ୨ରେ ଦୁଇ ବରିଷ୍ଠ ବିଜେପି ନେତା କୁଳମଣୀ ବରାଳ ଓ ତାଙ୍କ ସହଯୋଗୀ ଦିବ୍ୟସିଂହ ବରାଳଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିଲା । ରାଜନୈତିକ ଆକ୍ରୋଶରୁ ଏଭଳି ଜଘନ୍ୟ ହତ୍ୟାକାଣ୍ଡ ଘଟିଥିବା କୁହାଯାଉଥିବା ବେଳେ ଏହି ଘଟଣାରେ ଟାଙ୍ଗୀ ପୋଲିସ ୧୦ଜଣଙ୍କୁ ଗିରଫ କରିଛି ଟାଙ୍ଗୀ ପୋଲିସ । ତେବେ ଘଟଣାର ମୁଖ୍ୟ ଅଭିଯୁକ୍ତ ପ୍ରଫୁଲ୍ଲ ବିଶ୍ବାଳ ଫେରାର୍‌ ଥିଲା । ପୋଲିସ ଗିରଫ କରିବା ପୂର୍ବରୁ ମୁଖ୍ୟ ଅଭିଯୁକ୍ତ ପ୍ରଫୁଲ୍ଲ ବିଶ୍ବାଳଙ୍କ ଏଭଳି ସଂଦେହଜନକ ମୃତ୍ୟୁ ନାନା ପ୍ରଶ୍ନ ଠିଆ କରିଛି । ପୋଲିସ ଠାରୁ ଖବର ପାଇ ଏସସିବିରେ ପ୍ରଫୁଲ୍ଲଙ୍କ ମୃତଦେହକୁ ଚିହ୍ନଟ କରିଛନ୍ତି ତାଙ୍କ ପରିବାର ଲୋକ । ଗିରଫଦାରୀ ପୂର୍ବରୁ ମାହାଙ୍ଗା ଡବଲ ମର୍ଡର ଘଟଣାର ମୁଖ୍ୟ ଅଭିଯୁକ୍ତ ପ୍ରଫୁଲ୍ଲ ବିଶ୍ବାଳଙ୍କ ଏଭଳି ସଂଦେହ ଜନକ ମୃତ୍ୟୁ ଅନେକ ଗୁମର ଉପରେ ପରଦା ପକାଇଦେଇଛି ବୋଲି ଚର୍ଚ୍ଚା ହେଉଛି ।