ଠକେଇ ଅଭିଯୋଗରେ ବ୍ୟବସାୟୀ ଗିରଫ

ଯାଜପୁର ସଦର,୧୫ା୦୩(ସନ୍ଧାନ ନିୟୁଜ): ଯାଜପୁର ଜିଲ୍ଲା ରସୁଲପୁର ବ୍ଲକ୍ ଅନ୍ତର୍ଗତ ହରିପୁର ବଜାରରେ କରାଯାଇଥିବା ଗୌରଶ୍ୟାମା ପଟଣା ଗ୍ରାମର ଭେରାଇଟ ଷ୍ଟୋର ମାଲିକ ସଞ୍ଜିବ ପାତ୍ର ଠକେଇ କରିଥିବା ଅଭିଯୋଗରେ ଯାଜପୁର କୋର୍ଟକୁ କୁଆଖିଆ ଥାନା ପୋଲିସ ଗିରଫ କରି ଚାଲାଣ କରିଥିବା ଜଣାଯାଇଚି । ଘଟଣାରୁ ପ୍ରକାଶ ଯେ, ଢେଙ୍କାନାଳ ଜିଲ୍ଲା ସାରଙ୍ଗ ଗ୍ରାମର ମହେନ୍ଦ୍ର ବେହେରାଙ୍କ ଠାରୁ ୩୧ହଜାର ୫୦୦ଶହ ଟଙ୍କା ର ଅଗରବତୀ ଆଣିଥିଲେ । ଟଙ୍କା ନଦେଇ ଏକ ଚେକ୍ ବେହେରାଙ୍କୁ ଦେଇଥିଲେ । ଚେକ୍ ବାଉନ୍ସ ହେବାରୁ ଶ୍ରୀ ପାତ୍ର ମହେନ୍ଦ୍ରଙ୍କୁ ଟଙ୍କା ମାଗିଥିଲେ । ଯାହାଫଳରେ ମେହେନ୍ଦ୍ରଙ୍କୁ ଟଙ୍କା ନଦେଇ ଧମକ ଦେବାରୁ ମହେନ୍ଦ୍ର ବେହେରା କୁଆଖିଆ ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଆଧାର କରି ଏସ୍‌.ଆଇ ପି. କେ. ଦାସ ସଂଜିବକୁ ଗିରଫ କରିବା ସହିତ ଯାଜପୁର କୋର୍ଟକୁ ଚାଲାଣ କରିଥିବା ଥାନା ଅଧିକାରୀ ଶ୍ରୀ ସ୍ୱାଇଁ ଗଣମାଧ୍ୟମକୁ ସୂଚନା ଦେଇଛନ୍ତି । ଆଗରୁ ସଂଜିବଙ୍କ ନାମରେ ୱାରେଣ୍ଟ ଥିବା ଜଣାଯାଇଚି ।