ଟ୍ରାକ୍ଟର ଧକ୍କାରେ ବାଇକ୍ ଆରୋହି ମୃତ୍ୟା,

ଜେନାପୁର,୧୩/୧୧ : (ସନ୍ଧାନ ନିଉଜ୍)(ପ୍ରଶାନ୍ତ ସାମଲ)ଧର୍ମଶାଳା ବ୍ଲକ ଜେନାପୁର ଥାନା ଅନ୍ତର୍ଗତ କବାଟବନ୍ଧ ରେଖିଦେଇପୁର ରାସ୍ତା ର କନ୍ତପଡ଼ା ଛକ ନିକବର୍ତ୍ତୀ ବଳରାମପୁର ହାଇସ୍କୁଲ ନିକଟରେ ସୋମବାର ସନ୍ଧ୍ୟା ପ୍ରାୟ ୫ ଟା ସମୟ ହେବ ଏକ ସଡ଼କ ଦୁର୍ଘଟଣା ରେ ଜଣ ଙ୍କର ଶୋଚନୀୟ ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣଙ୍କ ହେଲେ ଏହି ଥାନା ଅନ୍ତର୍ଗତ ଏଣ୍ଡଳବା ପଞ୍ଚାୟତ ର କଲାଣ୍ଡ ଗ୍ରାମର ମାୟାଧର ଗୁରୁ ଙ୍କ ପୁଅ ନିମାଇଁ ଚରଣ ଗୁରୁ (୪୮) ବୋଲି ଜଣା ପଡ଼ିଛି। ପ୍ରତ୍ୟେକଦର୍ଶୀ କହିବା ଅନୁଯାୟୀ ନିମାଇଁ ଗାଁ ଗାଁ ବୁଲି ଟେସନାରୀ ବେପାର କରି ପରିବାର ପ୍ରତିପୋଷଣ କରନ୍ତି। ସୋମବାର ନିଜ ବ୍ୟବସାୟ ସାରି ଗାଁ କୁ ଫେରୁଥିବା ସମୟରେ ବଳରାମପୁର ହାଇସ୍କୁଲ ଠାରୁ ୨ ଶହ ମିଟର ଦୂରତା ହେବ ଏକ ଟ୍ରାକ୍ଟର ତାଙ୍କୁ ଧକ୍କା ଦେଇଥିଲା ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଖବର ପାଇ ଜେନାପୁର ପୋଲିସ ଘଟଣା ସ୍ଥଳରେ ପହଞ୍ଚି ବାଇକ ଓ ଟ୍ରାକ୍ଟର ଗାଡ଼ି ଦୁଇଟି କୁ ଜବତ କରିବା ସହିତ ଶବ ବ୍ୟବଚ୍ଛେଦ ପାଇଁ ଦାନଗଦି ପଠାଇ ଥିଲେ। ପ୍ରାପ୍ତ ସୂଚନା ଅନୁଯାୟୀ ଏହି ରାସ୍ତା ରେ ଏବେ ବଡ଼ ବଡ଼ ହାଇୱା ଗାଡ଼ି କଳାପଥର ଓ ଚିପ୍ସ ଆଦି ବୋଝେଇ କରି ବିଭିନ୍ନ ସ୍ଥାନ କୁ ଯାଉଛନ୍ତି। ଏହି ରାସ୍ତା ରେ ରେଖିଦେଇପୁର ହାଇସ୍କୁଲ,ତାଳଜଙ୍ଗ ସ୍କୁଲ, ବଳରାମ ପୁର ପ୍ରାଇମେରୀ ସ୍କୁଲ,ବଳରାମ ପୁର ହାଇସ୍କୁଲ,ଆଦି ଅନେକ ରାସ୍ତା କୁ ଲାଗି ରହିଥିବା ସ୍କୁଲ ରହିଛି। ଏହି ରାସ୍ତା ରେ ଭାରି ଯାନ ଚଳାଚଳ କୁ ବନ୍ଦ କରିବା ଅଞ୍ଚଳ ବାସୀଙ୍କ ଦାବି,