ଟ୍ରକ୍ ପଛରୁ ଧକ୍କା ଦେଲା ବୋଲେରୋ: ୧ ମୃତ, ୨ ଗୁରୁତର

ମୟୂରଭଞ୍ଜ,୫/୬ (ସନ୍ଧାନ ନିୟୁଜ) ମୟୂରଭଞ୍ଜ ଜିଲ୍ଲା ବଙ୍ଗିରିପୋଷି ବ୍ଲକ ଅନ୍ତର୍ଗତ ବୁଢ଼ମୋରା ଛକ ନିକଟରେ ଛିଡା ହୋଇଥିବା ଟ୍ରକ୍ ପଛରୁ ଧକ୍କା ଦେଲା ବୋଲେରୋ, ଜଣେ ମୃତ ଦୁଇ ଜଣ ଗୁରୁତର ହୋଇଛନ୍ତି । ମିଳିଥିବା ସୂଚନା ଅନୁଯାୟୀ ଏକ ଟ୍ରକରେ ଧାନ ବୋଝେଇ ସାରି ପାଲ ବନ୍ଧା ହେଉଥିବା ସମୟରେ  ବାରିପଦା ପଟୁ ଏକ ବୋଲେରୋ ଆସି ଟ୍ରକ୍ ପଛରୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇଜଣ ଗୁରୁତର ଆହତ ହୋଇଛନ୍ତି । ମୃତକ ଜଣକ ବୁଢ଼ାମୋରା ଗ୍ରାମର ଗଣେଶ ବେହେରା ଓ ସରଗଛିଡା ଗ୍ରାମର ମୁନା ଦଣ୍ଡପାଟ ଓ ବୁଢାମୋରା ଗ୍ରାମର ଶ୍ରୀଧର ଦିଗାର ଗୁରୁତର ଆହତ ହୋଇଛନ୍ତି ବୋଲି ଜଣାପଡ଼ିଛି । ଗୁରୁତର ଥିବା ଆହତମାନଙ୍କୁ ଏକ ବୋଲେରୋ ଯୋଗେ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲରେ ଭର୍ତ୍ତି କରାଯାଇଛି । ଘଟଣାର ଖବର ପାଇ ବାଙ୍ଗିରିପୋଷି ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ବୋଲେରୋକୁ ଜବତ କରିବା ସହ ମୃତ ଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇ ଘଟଣାର ତଦନ୍ତ ଆରମ୍ଭ କରିଛି ।