ଟି ଡି ଏସ ଚାଉଳ ବଣ୍ଟନରେ ରୀତିମତ ଅନିୟମିତତା, ପ୍ରଶାସନ ନିଦ୍ରାରେ

ସୁନ୍ଦରଗଡ,୨୧/୦୭/୨୧ (ସନ୍ଧାନ ନିଉଜ/ରାଜୁ ପଟେଲ ) ଲେଫ୍ରିପଡା ବ୍ଲକର ଛଟେନପାଲି ପଞ୍ଚାୟତରେ ବିଗତ ମାସେ ପୂର୍ବରୁ ଚାଉଳ ବଣ୍ଟନରେ ଅନିୟମିତତା ଦେଖିବାକୁ ମିଳିଛି । ଚାଉଳ ବଣ୍ଟନ ସମୟରେ ପ୍ରତ୍ୟେକ ହିତାଧିକାରୀଙ୍କ ଚାଉଳରୁ ୪ରୁ୫ କେଜି କମ ଥିବା ଅଭିଯୋଗ ହୋଇ ଆସୁଥିବାବେକେ ସମ୍ପୃକ୍ତ ଅଧିକାରୀ କଥାକୁ କର୍ଣ୍ଣପାତ ନ କରିବା ଅଭିଯୋଗ ଆସିଛି ।ବ୍ଲକ ପ୍ରଶାସନକୁ ଏ ଦିଗରେ ଅବଗତ କରିଥିଲେ ମଧ୍ୟ ବିଡ଼ିଓ ଏ ଦିଗରେ କିଛି ପଦକ୍ଷେପ ନ ନେବା ଅଭିଯୋଗ ଆସିଛି । ଏହି ଅଭିଯୋଗ ଗତମାସ ଗଣମାଧ୍ୟମରେ ପ୍ରକାଶିତ ହୋଇଥିଲାପରେ କମ ଚାଉଳ ମିଳିଥିବା ହିତାଧିକାରୀଙ୍କୁ ଚାଉଳ ଦିଆଯିବ ବୋଲି କାର୍ଯ୍ୟ ନିର୍ବାହି ଅଧିକାରୀ  ସୂଚନା ଦେଇଥିଲେ । ଏବେ ସୁଦ୍ଧା କମମିଳିଥିବା  ଚାଉଳ  ମିଳି ପରି ନ ଥିବା ଗଣ ମାଧ୍ୟମରେ ଆଲୋଚନାର ବିଷୟ ପାଲଟିଛି । ପ୍ରଶାସନର ନିଦ୍ରା କେବେ ଭାଙ୍ଗିବ ତାହା ଅଂଚଳରେ ଚିନ୍ତାର ବିଷୟ ପାଲଟିଛି ।