ଝିଅକୁ ବାପା ବିକ୍ରି କରିଦେଇଥିବା ଅଭିଯୋଗ : ଝିଅକୁ ଉଦ୍ଧାର କଲା ଟାଉନ ପୁଲିସ

ଭଦ୍ରକ, ୧୨ /୬ (ସନ୍ଧାନ ନିୟୁଜ) ଟାଉନ ଥାନା ଅନ୍ତର୍ଗତ ଚରମ୍ପା ଅଞ୍ଚଳର ଶମ୍ଭୁନାଥ ସାହାଣୀ ନିଜ ପ୍ରଥମ ପତ୍ନୀଙ୍କ ଗର୍ଭରୁ ଜନ୍ମ ହୋଇଥିବା ନାବାଳିକା ଝିଅକୁ ନେଇ କୋଲକାତାରେ ବିକ୍ରି କରିଥିବା ନାବାଳିକାଙ୍କ ମାଆ ଥାନାରେ ଅଭିଯୋଗ କରିବା ପରେ ପୁଲିସ ନାବାଳିକାଙ୍କୁ ଉଦ୍ଧାର କରିଛି। ଚରମ୍ପାର ଉକ୍ତ ବ୍ୟକ୍ତି ଜଣଙ୍କ ପ୍ରଥମ ପତ୍ନୀଙ୍କୁ ଛାଡି ଆଉ ଜଣଙ୍କୁ ବିବାହ କରିଥିଲେ। ପ୍ରଥମ ପତ୍ନୀ ଝିଅକୁ ଧରି ସାଙ୍ଗରେ ଅଲଗା ରହୁଥିଲେ। ମଉକା ଦେଖି ବାପ ଝିଅକୁ ନେଇ ମାସକ ତଳେ କୋଲକାତାରେ ବିକ୍ରି କରି ଦେଇଥିଲା। ଏ ନେଇ ଝିଅର ମାଆ ଟାଉନ ଥାନାରେ ଅଭିଯୋଗ କରିଥିଲେ। କୋଲକାତାର ବାବୁଘାଟ ଅଞ୍ଚଳରେ ଝିଅ ରହିଥିବା ଖବର ପାଇ ଟାଉନ ପୁଲିସ ଯାଇ ଝିଅକୁ ଉଦ୍ଧାର କରି ଆଣି ଚାଇଲ୍ଡଲାଇନକୁ ହସ୍ତାନ୍ତର କରିଛି।