ଝାଲପଡ଼ାରେ ଭୟାଭହ ଅଗ୍ନିକାଣ୍ଡ; ଳକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ

ଯାଜପୁର ସଦର,୨୪/୦୮(ସନ୍ଧାନ ନିୟୁଜ):ଯାଜପୁର ବ୍ଲକ ଅନ୍ତର୍ଗତ ଝାଲପଡ଼ା ପଞ୍ଚାୟତରେ ଏକ ପରିବାରରେ ଭୟାଭହ ଅଗ୍ନିକାଣ୍ଡ ଘଟିବାରୁ ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପଉଁଶ ହୋଇଯିବା ସହିତ ଦୁଇଟି ଗୋରୁ ପୋଡ଼ିଯାଇଥିବା ଜଣାଯାଇଛି । ଯାଜପୁର ସଦରଥାନା ଅନ୍ତରର୍ଗତ ଝାଲପଡ଼ା ପଞ୍ଚାୟତର ଝାଲପଡ଼ା ଗ୍ରାମରେ ଗଦାଧର ବାରିକଙ୍କ ପରିବାର ରୋଶେଇ ସାରି ଚୁଲିରେ ନିଆଁ ଥିବା ବେଳେ କୌଣସି କାରଣ ବସତଃ ଗଦାଧର ବାରିକଙ୍କ ଘରେ ନିଆଁ ଲାଗି ଯାଇଥିଲା । ଗ୍ରାମର ଗ୍ରାମବାସୀ ମାନେ ନିଆଁକୁ ଆୟତକରିବା ପାଇଁ ଯେତେଚେଷ୍ଟା କରିଥିଲେ ମଧ୍ୟ ଅଗ୍ନିକାଣ୍ଡ ଏତେ ଭୟାନକ ଥିଲା ଯେ ଲୋକମାନେ ନିଆଁପାଖକୁ ଯିବାକୁ ସାହସ କରିନଥିଲେ । ଏଠାରେ ସୁଚନା ଯୋଗ୍ୟ ଯେ, ଏହି ବାରିକ ପରିବାରର ଅଗ୍ନିକାଣ୍ଡରେ ଲକ୍ଷାଧିକଟଙ୍କାରୁ ଉର୍ଦ୍ଧ୍ୱ ସମ୍ପତ୍ତି ପୋଡ଼ି ପାଉଁଶ ହୋଇଯାଇଥିବା ଦେଖିବାକୁ ମିଳିଥିଲା । ଅଗ୍ନିକାଣ୍ଡରେ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନ ପାରିବାରୁ ଜନଅସନ୍ତୋସ ଦେଖାଦେଇଥିଲା । ଗଦାଧର ବାରିକଙ୍କ ଘରେ ଅଗ୍ନିକାଣ୍ଡ ଘଟିବାରୁ ୫ ବଖରା ଘର ପୋଡ଼ି ପାଉଁଶ ହୋଇଯାଇଥିଲା । ଏହି ବିପନ୍ନ ପରିବାରକୁ ଯାଜପୁର ତହସିଲ ପକ୍ଷରୁ ସରକାରି ସହାୟତା ଯୋଗେଇ ଦେବାସହିତ ଝାଲପଡ଼ା ପଞ୍ଚାୟତର ସରପଞ୍ଚ ନିର୍ମଳଚନ୍ଦ୍ର ସାମଲ ଦୃଷ୍ଟିଦେବାପାଇଁ ସାଧାରଣରେ ଦାବି କରାଯାଛି । ଅଗ୍ନିବିପନ୍ନ ପରିବାରକୁ ସ୍ୱାସ୍ଥ୍ୟସେବୀ ଅନୁଷ୍ଟାନ ସହାୟତା ଦେବାପାଇଁ ସାଧାରଣରେ ଦାବି ହୋଇଛି ।