ଝରାଫୁଲ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ରାକେଶଙ୍କୁ ଯାଜପୁର ଆଣିଲା ପୋଲିସ, ପାନୀୟରେ ବିଷ ଦେଇ ମାରିଥିଲେ

ଯାଜପୁର, ୨୯/୧ (ସନ୍ଧାନ ନିୟୁଜ) ରାଜ୍ୟରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିବା ରମ୍ଭାଦେବୀ ବିଶ୍ୱବିଦ୍ୟାଳୟର ଛାତ୍ରୀ ଝରାଫୁଲର ମୁତ୍ୟୁ ରହସ୍ୟ ଉପରୁ ପରଦା ଉଠିନି । ହେଲେ ଝରାଫୁଲଙ୍କ ପ୍ରେମିକ ରାକେଶ ସ୍ୱାଇ ଏବଂ ତାଙ୍କର ବନ୍ଧୁ ଦିନେଶ ଝରାଫୁଲର ଶବକୁ କୁଆଖିଆ ଥ।।ନା ଅଂଚଳରେ ପିଙ୍ଗିଦେଇ ଯିବା ବେଳେ ସିସିଟିଭି ଫୁଟେଜରେ ଧରାପଡିଥିଲା । ଏହା ପରେ ଉଭୟ ପୋଲିସ ଦ୍ୱାରା ଚିହ୍ନଟ ହୋଇଥିଲେ । ଏହି ଘଟଣା ପ୍ରଚାର ହେବା ପରେ ଭୂବନେଶ୍ୱରରେ ଏୟାରଫିଲ୍ଡ ଥାନାରେ ରାକେଶ ଆତ୍ମସର୍ମପଣ କରିଥିଲା । ପରେ ଗତକାଲି ରାତିରେ ଯାଜପୁର ପୋଲିସ ତାଙ୍କୁ ଅଧିକ ତଦନ୍ତ ପାଇଁ ଯାଜପୁର ଆଣିଛି । ତେବେ ତାଙ୍କର ସହଯୋଗୀ ବନ୍ଧୁ ଫେରାର ରହିଛି । ତାକୁ ଧରିବା ପାଇଁ ପୋଲିସ ଉଦ୍ୟମ ଆରମ୍ଭ କରିଥିଲେ ସୁଧା ଏପ୍ରର୍ଯ୍ୟନ୍ତ ତାକୁ ଧରିବାରେ ସକ୍ଷମ ହୋଇନାହିଁ । ତେବେ ଝରାଫୁଲ ଦେହରେ କୌଣସି କ୍ଷତଚିହ୍ନ ନଥିବା ବେଳେ ତାକୁ କୌଣସୀ ପାନୀୟରେ ବିଷ ଦେଇ ହତ୍ୟା କରାଯାଇଥିବା ବିଶେଷ ସୁତ୍ରରୁ ଖବର ମିଳିଛି । ତେବେ ହତ୍ୟା ଘଟଣାରେ ପୋଲିସ ଏପ୍ରର୍ଯ୍ୟନ୍ତ କୌଣସି ସୁଚନା ଦେଇନଥିବା ବେଳେ ତାଙ୍କ ପୁରୁଷ ବନ୍ଧୁଙ୍କ ଜେରା ସହିତ ଅନ୍ୟ ଅଭିଯୁକ୍ତ ଧରା ହେବା ପରେ ଏହା ଉପରୁ ରହସ୍ୟ ଉଠିବ ବୋଲି ସାଧରଣରେ ମତ ପ୍ରକାଶ ପାଇଛି ।