ଜେଇଇ ମେନ୍ ଆବେଦନକାରୀ ସାବଧାନ

ଭୁବନେଶ୍ୱର,୧୬.୧.୨୦୨୧(ସନ୍ଧାନ ନିଉଜ୍):- ଇଞ୍ଜିନିୟରିଂ ପଢ଼ିବା ପାଇଁ ଜେଇଇ ମେନ୍ ପ୍ରବେଶିକା ପରୀକ୍ଷା ଦେବାକୁ ଆଗ୍ରହ ପ୍ରକାଶ କରୁଥିବା ଛାତ୍ରଛାତ୍ରୀମାନେ ସାବଧାନ । ଜେଇଇ ମେନ୍ ନାମରେ ମାଳ ମାଳ ଫେକ୍ ୱେବସାଇଟ୍ ବୁଲୁଛି । ତେଣୁ ସତର୍କ ରହିବାକୁ ରାଷ୍ଟ୍ରୀୟ ପରୀକ୍ଷା ଏଜେନ୍ସି ବା ଏଟିଏ ସତର୍କ ସୂଚନା ଜାରି କରିଛି । ଏଟିଏ ମହାନିର୍ଦ୍ଦେଶକ ଡ. ବିନୀତ ଯୋଶୀ‌ କହିଛନ୍ତି, କିଛି ଅସାଧୁ ବ୍ୟକ୍ତି ଜେଇଇ ମେନ୍ ନାମରେ jeeguide.co.in in ଏକ ଫେକ୍ ୱେବସାଇଟ୍ ତିଆରି କରିଛନ୍ତି । ସେହି ୱେବସାଇଟ୍ ଜରିଆରେ ଆବେଦନକାରୀଙ୍କଠାରୁ ଅନଲାଇନ୍‌ରେ ଫି ଦେବାକୁ କୁହାଯାଉଛି । ଏ ବାବଦରେ ଏଟିଏ ଜାଣିବା ପରେ ଗୁରୁବାର ଡ. ଜୋଶୀ ଏକ ବିଜ୍ଞପ୍ତି ଜାରି କରିଛନ୍ତି । ଛାତ୍ରଛାତ୍ରୀ କିମ୍ବା ସେମାନଙ୍କ ଅଭିଭାବକ ଜେଇଇ ମେନ୍ ଆବେଦନ କରିବା ସମୟରେ ସତର୍କ ରହିବାକୁ କହିଛନ୍ତି ଏନଟିଏ ମହାନିର୍ଦ୍ଦେଶକ । କେବଳ ଜେଇଇ ସତର୍କ ସୂଚନା ଜାରି କଲା ଏଟିଏ ଫେବ୍ରୁଆରୀ ପରୀକ୍ଷା ପାଇଁ ଆଜି ଆବେଦନ ଶେଷ ମେନ୍ ଅଫିସିଆଲ୍ ୱେବସାଇଟ୍ jeemain.nta. nic.inରେ ଆବେଦନ କରିବାକୁ ପରାମର୍ଶ ଦେଇଛନ୍ତି । ଏଟିଏର ହେଲୁ ଡେସ୍କ ଓ କଲ୍ ସେଣ୍ଟରରେ ଫେକ୍ ୱେବସାଇଟ୍ ବାବଦରେ ବହୁ ଅଭିଯୋଗ ଆସୁଛି । jeeguide.co.in ଫେକ୍ ୱେବସାଇଟ୍‌ରେ ଟଙ୍କା ଦାଖଲ କରିବାକୁ କୁହାଯାଉଛି । ୯୩୧୧୨୪୫୩୦୭ ନମ୍ବରରେ ଯୋଗାଯୋଗ କରିବାକୁ ସେହି ଫେକ୍ ୱେବସାଇଟ୍‌ରେ ସୂଚନା ଦିଆଯାଇଛି । ଏହିଭଳି ବହୁ ଜାଲ୍ ୱେବସାଇଟ୍ ଥିବାର ସମ୍ଭାବନା ରହିଛି । ତେଣୁ ଛାତ୍ରଛାତ୍ରୀ ଓ ଅଭିଭାବକମାନେ କେବଳ ଅଫିସିଆଲ୍ ୱେବସାଇଟ୍‌ରେ ଯୋଗାଯୋଗ କରିବାକୁ କୁହାଯାଇଛି। ଫେକ୍ ୱେବସାଇଟ୍ ସହିତ ଏଟିଏ କିମ୍ବା ଏହାର କୌଣସି ଅଧିକାରୀଙ୍କର ସମ୍ପର୍କ ନଥିବା ବିଜ୍ଞପ୍ତିରେ ସୂଚନା ଦିଆଯାଇଛି । ଚଳିତ ବର୍ଷ ଜେଇଇ ମେନ୍ ୪ଥର ହେବ। ପ୍ରଥମ ଜେଇଇ ମେନ୍ ଫେବ୍ରୁଆରୀ ୨୩ରୁ ଆରମ୍ଭ ହୋଇ ୨୬ରେ ସରିବ। ଚଳିତ ମାସ ୧୬ ତାରିଖରେ ଆବେଦନ ସରିବ। ସେହିପରି ୧୭ ତାରିଖ ପର୍ଯ୍ୟନ୍ତ ଆବେଦନ କରାଯାଇପାରିବ।