ବାରିପଦା, 22.01.2021 (ସନ୍ଧାନ ନିଉଜ୍):– ଗୁପଚୁପ ଭଲା କାହାକୁ ପସନ୍ଦ ନୁହେଁ। ଗୁପଚୁପ ନାଁ ଶୁଣି ଅନେକ ଲୋକଙ୍କ ପାଟିରୁ ଲାଲ ଗଡି ଆସିଥାଏ। ଗୁପଚୁପ ସବୁଠାରୁ ଲୋକପ୍ରିୟ ଷ୍ଟ୍ରିଟ ଫୁଡ୍। ଅଧିକାଂଶ ଲୋକ ଗୁପଚୁପ ପାଣି ବି ଢକ ଧକା ପିଇଯାଆନ୍ତି। ଏତେ ଖୁସିରେ ଖାଇଯାଉଥିବା ଗୁପଚୁପ ଆପଣଙ୍କୁ ଗମ୍ଭୀର ରୋଗରେ ପକାଇପାରେ। ଗୁପଚୁପ୍ ପାଟିକୁ ଯେତେ ସ୍ୱାଦିଷ୍ଟ ସ୍ୱାସ୍ଥ୍ୟ ପାଇଁ ସେତିକି ହାନିକାରକ । ଗୁପଚୁପ୍ ଖାଇବାର ଅନେକ ହାନିକାରକ ଗୁଣ ରହିଛି। ଗୁପଚୁପ୍ ଦ୍ୱାରା ଡାଇରିଆ, ଡିହାଇଡ୍ରେସନ୍, ବାନ୍ତି, ଝାଡା, ଜଣ୍ଡିସ୍, ଅଲସର୍, ପାଚନ କ୍ରିୟାରେ ସମସ୍ୟା, ପେଟ ସମସ୍ୟା, ଅନ୍ତନଳୀରେ ସୁଜନ ଆଦି ସମସ୍ୟା ଦେଖାଦେଇପାରେ। ଗୁପଚୁପ ଖାଇବା ଦ୍ୱାରା ରକ୍ତଚାପ ସମସ୍ୟା ମଧ୍ୟ ଦେଖାଦେଇଥାଏ । ଗୁପଚୁପର ଖଟା ପାଣିରେ ବହୁ ମାତ୍ରାରେ ଲୁଣ ବ୍ୟବହାର କରାଯାଇଥାଏ। ଯେଉଁଥିପାଇଁ ରକ୍ତଚାପ ବୃଦ୍ଧି ପାଇଥାଏ। ବାହାରେ ମିଳୁଥିବା ଗୁପଚୁପ୍ ଛାଣିବା ପାଇଁ ଅନେକ ଥର ଛଣା ହୋଇଥିବା ତେଲ ବ୍ୟବହାର କରାଯାଇଥାଏ ଯାହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ। ଏହାଦ୍ୱାରା ଏସିଡ଼ିଟି, ଗ୍ୟାସ୍, ପେଟରେ ଯନ୍ତ୍ରଣା ଆଦି ସମସ୍ୟା ଦେଖାଦେଇଥାଏ । ଗୁପଚୁପ ବିକ୍ରି କରୁଥିବା ଦୋକାନୀ ସଫା ସୁତୁରା ପ୍ରତି ଦୃଷ୍ଟି ଦିଅନ୍ତି ନାହିଁ। ସେଥିପାଇଁ ସବୁବେଳେ ସଫା ସୁତୁରା ଜଗା ଦେଖି ହିଁ ଗୁପଚୁପ ଖାଇବା ଉଚିତ, ଯେଉଁଠାରେ ସବୁ ଜିନିଷ ଘୋଡେଇ ରଖାଯାଇଥିବ ଏବଂ ବିକ୍ରି କରୁଥିବା ଲୋକ ହାତରେ ଗ୍ଳୋବ୍ସ ପିନ୍ଧିଥିବେ। ବର୍ଷା ଦିନରେ ଦେଖି ଚାହିଁ ଗୁପଚୁପ ଖାଇବା ଉଚିତ। କାରଣ ବର୍ଷା ଦିନରେ ଅନେକ ସ୍ୱାସ୍ଥ୍ୟ ସମସ୍ୟା ଦେଖାଦେଇଥାଏ। ସେଥିପାଇଁ ବର୍ଷା ଦିନରେ ଗୁପଚୁପ ନ ଖାଇବାକୁ ଚେଷ୍ଟା କରନ୍ତୁ ।
