ଜାକର୍ତ୍ତା ଏସୀୟ କ୍ରୀଡ଼ା : ଭାରତକୁ ଆଉ ୨ଟି ସ୍ୱର୍ଣ୍ଣ

ଜାକର୍ତ୍ତା,୩୦/୮(ସନ୍ଧାନ ନିୟୁଜ) : ଜାକର୍ତ୍ତା ଏସୀୟ କ୍ରୀଡ଼ାରେ ଗୁରୁବାର ଭାରତ ଆଉ ୨ଟି  ସ୍ୱର୍ଣ୍ଣ ପଦକ ବିଜୟୀ ହୋଇଛି। ଏସୀୟ କ୍ରୀଡ଼ା-୨୦୧୮ର ଦ୍ବାଦଶ ଦିନରେ ଭାରତ ଆଥଲେଟିକ୍ସରେ ୨ଟି  ସ୍ୱର୍ଣ୍ଣ ପଦକ ସମେତ ମୋଟ୍ ୫ଟି ପଦକ ବିଜୟୀ ​‌ହୋ​‌ଇଛି।

ଜିନସନ୍ ଜନସନ୍ ପୁରୁଷ ୧୫୦୦ମିଟର ଦୌଡରେ ସ୍ୱର୍ଣ୍ଣ ପଦକ ଜିତିଛନ୍ତି। ସେହିପରି ମହିଳା ଦଳ ୪ ଗୁଣା ୪୦୦ ମିଟର ଦୌଡରେ ଭାରତ ପାଇଁ କ୍ରମାଗତ ୫ମ ଥର ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି।

ସେହିପରି ପି.ୟୁ ଚିତ୍ରା ୧୫୦୦ମିଟର ଦୌଡରେ ବ୍ରୋଞ୍ଜ ପଦକ ଜିତିଛନ୍ତି। ଅନ୍ୟ ପକ୍ଷରେ ପୁରୁଷ ୪ ଗୁଣା ୪୦୦ ମିଟର ରିଲେ ଦୌଡରେ ଭାରତ ରୌପ୍ୟ ପଦକ ହାସଲ କରିଛନ୍ତି। ଡିସକସ୍ ଥ୍ରୋ ରେ ସୀମା ପୁନିୟା ବ୍ରୋଞ୍ଜ ପଦକ ଜିତିଛନ୍ତି।ଗୁରୁବାର ସୁଦ୍ଧା ଭାରତ ୧୩ ଟି ସ୍ୱର୍ଣ୍ଣ, ୨୧ଟି ରୌପ୍ୟ ଏବଂ ୨୫ଟି ବ୍ରୋଞ୍ଜ ପଦକ ସହିତ ମୋଟ ୫୯ଟି ପଦକ ଜିତି ପଦକ ତାଲିକାର ୮ମ ସ୍ଥାନରେ ରହିଛି।