ଏହାଛଡା ଏହି ଭାଇରସ ଆଖି ବାଟେ ମଣିଷକୁ ସଂକ୍ରମିତ କରିପାରେ। ତେଣୁ ମାସ୍କ ପଛରେ ନପଡି ସଚେତନ ରହିବା ଆବଶ୍ୟକ। ବଜାରରେ ସାନିଟାଇଜର ସଙ୍କଟକୁ ନେଇ ସେ କହିଛନ୍ତି ସାନିଟାଇଜର ନଥିଲେ ସାବୁନ ବ୍ୟବହାର କରନ୍ତୁ। ଦିନକୁ ୫ରୁ ୬ ଥର ସାବୁନରେ ହାତ ଧୋଇବା ଦରକାର। ଖାଇବା ପୂର୍ବରୁ କିମ୍ବା କୌଣସି ସାମଗ୍ରୀ ବା ବସ୍ତୁକୁ ଛୁଇଁଥିଲେ ହାତକୁ ଭଲ ଭାବେ ଧୋଇନିଅନ୍ତୁ। ସେହିଭଳି ଘରକୁ କାମ କରିବାକୁ ଆସୁଥିବା ବ୍ୟକ୍ତିଙ୍କୁ ମଧ୍ୟ ସାବୁନ ଦେଇ ସଚେତନ କରିବାକୁ ଶ୍ରୀ ବାଗ୍‌ଚୀ ପରାମର୍ଶ ଦେଇଛନ୍ତି। ଓଡ଼ିଶାରେ ଏପର୍ଯ୍ୟନ୍ତ ୪୭ ଜଣଙ୍କ ସ୍ୱାବ୍‌ ନମୁନା ପରୀକ୍ଷା କରାଯାଇଛି। ସେଥିରୁ ୪୬ ଜଣଙ୍କ ରିପୋର୍ଟ ନେଗେଟିଭ୍‌ ଆସିଛି। ମାତ୍ର ଜଣେ ଲୋକଙ୍କ ରିପୋର୍ଟ ପଜିଟିଭ୍‌। ଗତକାଲି ୧୨ ଜଣଙ୍କ ସ୍ୱାବ ପରୀକ୍ଷା ପଠାଯାଇଥିଲା। ଏସବୁ ରିପୋର୍ଟ ନେଗେଟିଭ୍‌ ଆସିଥିବା ବେଳେ ଆଜି ପୁଣି ସନ୍ଦେହରେ ୬ ଜଣଙ୍କ ନମୁନା ପରୀକ୍ଷା ଲାଗି ପଠାଯାଇଛି। ଏସବୁ ରିପୋର୍ଟ ମଧ୍ୟ ନେଗେଟିଭ୍‌ ଆସିବ ବୋଲି ଆଶା କରାଯାଉଛି।