ଛୁଆକୁ ଭାରରେ ରଖି ୧୨୦ କିଲୋମିଟର ଚାଲିଲେ ବାପା

ବାରିପଦା, ୧୬/୦୫ (ସନ୍ଧାନ ନିଉଜ) :  ଆଖି ସାମ୍ନାରେ ଯମଦୂତ ପରି ଠିଆ ହୋଇଛି ରୋଗ। ଏମିତି ଅବସ୍ଥାରେ ଜୀବନ ବଞ୍ଚାଇବା ପାଇଁ ଘରକୁ ଫେରିବା ପାଇଁ ସବୁ ପ୍ରକାର ବିପଦକୁ ସାମ୍ନା କରିବାକୁ ପ୍ରସ୍ତୁତ ଅଛନ୍ତି ଶ୍ରମିକମାନେ। ସେଥିପାଇଁ ତ ଶହ ଶହ କିଲୋମିଟର୍ ଦୂର ଘରକୁ ପାଦରେ ଚାଲି ଚାଲି ଫେରୁଛନ୍ତି। ଜଣେ କି ଦୁଇଜଣ ନୁହେଁ ହଜାର ହଜାର ଲୋକ ନିଜ ଜୀବନକୁ ବିପଦରେ ପକାଇ ଚାଲୁଛନ୍ତି। ଟ୍ରଲି ଓ କାଠପଟାରେ ପ୍ରବାସୀ ଶ୍ରମିକ ଛୁଆକୁ ବୋହିବା ଘଟଣା ପରେ ଏବେ ଓଡ଼ିଶାରେ ସାମ୍ନାକୁ ଆସିଛି ଏହିଭଳି ଏକ ଚିତ୍ର। ଭାରରେ ଗୋଟିଏ ପଟେ ବସ୍ତା ଓ ଅନ୍ୟପଟେ ଛୋଟ ଛୁଆକୁ ବୋହି ନେଉଛି ବାପା। ଏ ଦୃଶ୍ୟ ମୟୂରଭଞ୍ଜ ବାରିପଦାର। ଲକଡାଉନ ପରେ କାମଧନ୍ଦା ହରାଇ ଭଦ୍ରକରୁ ୧୨୦ କିଲୋମିଟରରୁ ଅଧିକ ରାସ୍ତା ଚାଲି ଚାଲି ଘରକୁ ଫେରିଛନ୍ତି ଏହି ଶ୍ରମିକ।