ଧର୍ମଶାଳା,୨୫/୧୧ (ସନ୍ଧାନ ନିୟୁଜ): ଧର୍ମଶାଳା ଥାନା ଦେଓଦା ପଞ୍ଚାୟତ ଅନ୍ତର୍ଗତ ସେରପୁର ଗ୍ରାମର ବିଜୟ ତ୍ରିପାଠୀଙ୍କ ଘରୁ ଟଙ୍କା ସୁନା ଆଦି ବିଭିନ୍ନ ସାମଗ୍ରୀ ଚୋରି କରିଥିବା ଅଭିଯୋଗରେ ଏହି ଗ୍ରାମର ଦୁଇଜଣ ଯୁବକଙ୍କୁ ପୁଲିସ୍ ଗିରଫ କରିଛି । ଗିରଫ ସେରପୁର ଗ୍ରାମର ଧନେଶ୍ୱର ପରିଡା ଓ ସନ୍ତୋଷ ପାଣିଗ୍ରାହୀଙ୍କୁ ପୁଲିସ୍ ଆଜି ଚଣ୍ଡିଖୋଲ କୋର୍ଟ ଚାଲାଣ କରିଛି । ପ୍ରକାା ଯେ, ସେରପୁର ଗ୍ରାମର ବିଜୟ ତ୍ରିପାଠୀଙ୍କ ଘରୁ ଗତ ୧୯ ତାରିଖ ରାତିରେ ପ୍ରାୟ ୫୦ ଗ୍ରାମ ଓଜନର ସୁନା ଅଳଙ୍କାର, ୪୭ ହଜାର ଟଙ୍କା, ମୂଲ୍ୟବାନ ଶାଢ. ପୋଷାକ ଆଦି ଚୋରି ହୋଇଥିଲା । ଏ ନେଇ ବିଜୟଙ୍କ ପତ୍ନୀ ରଂଜୁଲତା ତତ୍ରିପାଠୀ ଧର୍ମଶାଳା ଥାନାରେ ଲିଖିତ ଅଭିଯୋଗ କରିଥିଲେ । ପୁଲିସ ଏକ ମାମଲା ୫୪୫/୨୦୧୯ ରୁଜୁ କରି ଘଟଣାର ତଦନ୍ତ ଚଳାଇଥିଲା । ତେବେ ସେରପୁର ଗ୍ରାମର ଧନେଶ୍ୱର ଓ ସନ୍ତୋଷ ଏ ସବୁ ଚୋରିକରିଥିବା ସୂଚନା ପାଇ ପୁଲିସ ଗତକାଲି ରାତିରେ ଉଭୟଙ୍କୁ ଗିରଫ କରିଥିଲା । ଅଭିଯୁକ୍ତ ଦ୍ୱୟ ଏହି ଚୋରି କରିନଥିôବା କହିଥିବା ବେଳେ ସେମାନଙ୍କୁ ଫସାଇ ଦିଆଯାଇଥିବା ପୁଲିସ୍ ନିକଟରେ ବୟାନ ଦେଇଛନ୍ତି । ମାତ୍ର ତଥ୍ୟ ପ୍ରମାଣ ଆଧାରରେ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ପୁଲିସ୍ ସୂଚନା ଦେଇଛି ।
Report- Santosh Rout
