ଗୁରୁକୁଳ ପବ୍ଳିକସ୍କୁଲର ବାର୍ଷିକ ପ୍ରଦର୍ଶନୀ ଉତ୍ସବ

ଧର୍ମଶାଳା ତା୨୩-୧୨-୨୦୨୩ (ସନ୍ଧାନ ନିଉଜ) ରିଖ ହରିଦାସପୁରସ୍ଥିତ ଗୁରୁକୁଳ ପବ୍ଲିକସ୍କୁଲରେ ବାର୍ଷିକ ପ୍ରଦର୍ଶନୀ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମକୁ ମୁଖ୍ୟଅତିଥି ଜିଲ୍ଲାକୃଷିଅଧିକାରୀ ଶ୍ରୀ ଅରୁଣ କୁମାର ପାତ୍ର ଓ ଉଦ୍‌ଘାଟକ ଧର୍ମଶାଳା ବ୍ଲକ ଶିକ୍ଷାଧିକାରୀ ଶ୍ରୀନିକୁଞ୍ଜ ବିହାରୀ ମହାନ୍ତି ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟନ କରିଥିଲେ । ଉକ୍ତ ଉତ୍ସବରେ ବିଦ୍ୟାଳୟର ସଭାପତି ଶ୍ରୀ ଅଭୟ କୁମାର ଜେନା, ନିର୍ଦ୍ଦେଶକ ଶ୍ରୀ ସୁଶାନ୍ତ କୁମାର ମହାପାତ୍ର, ଉଦଦେଷ୍ଟା ଶ୍ରୀ କଳ୍ପତରୁ ବେହେରା ପ୍ରମୁଖ ଉପସ୍ଥିତଥିଲେ । ପ୍ରଦର୍ଶନୀର ବିଚାରକ ଭାବେ ଶ୍ରୀ ଦୈତାରୀ ରାଉତ,ଡଃ.ଚତୁର୍ଭୁଜ ସାହୁ ଓ ଜାହାଙ୍ଗୀର ଉଲଜାମା ଖାନ୍ ଯୋଗ ଦେବା ସହ ଚିତ୍ରକଳା, ବିଜ୍ଞାନ, ସାମାଜିକ ବିଜ୍ଞାନ, ଗଣିତ, ଭାଷାସାହିତ୍ୟ ଓ ପ୍ରଯୁକ୍ତିବିଜ୍ଞାନ ର ପ୍ରକଳ୍ପ ଗୁଡିକୁ ଭୂୟଶୀ ପ୍ରଶଂସା କରିଥିଲେ । ଏହି ପ୍ରଦର୍ଶନୀ ରେ ସମୁଦାୟ ୧୮୯ ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା ଓ ୩୦୦ରୁ ଉର୍ଦ୍ଧ୍ୱ ଛାତ୍ରଛାତ୍ରୀ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । ଉକ୍ତକାର୍ଯ୍ୟକ୍ରମକୁ ବିଦ୍ୟାଳୟର କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ପ୍ରବୀର କୁମାର କର ସଭାପତିତ୍ୱ କରିଥିଲେ ଓ ଶେଷରେ ବିଦ୍ୟାଳୟର ଅଧ୍ୟକ୍ଷ ଶ୍ରୀ ଅଶୋକ କୁମାର ପରିଡା ଧନ୍ୟବାଦ ଅର୍ପଣ କରିଥିଲେ । ଏହି ଉତ୍ସବରେ ସମସ୍ତ ଶିକ୍ଷକ ଶିକ୍ଷୟତ୍ରୀ,ଅଣଶିକ୍ଷକ,ଛାତ୍ରଛାତ୍ରୀ ଓ ଅଭିଭାବକମାନେ ସହଯୋଗ କରିଥିଲେ ।