ଗାଡ଼ିଚାଳକଙ୍କୁ ମାଡ଼ ଘଟଣାକୁ କେନ୍ଦ୍ରକରି କର୍ମଚାରୀ ଗିରଫ

ଯାଜପୁର, ୨୪/୦୮/୨୦୨୧ (ସନ୍ଧାନ ନିଉଜ) : ଯାଜପୁର ଜିଲ୍ଲା ପାଣିକୋଇଲି ଥାନା ନିକଟସ୍ଥ ପାଣିକୋଇଲି ଟୋଲଗେଟରେ ଗତ ଶନିବାର ଦିନ ରାତିରେ ଟୋଲଗେଟ କର୍ମଚାରୀ ଏକ ଗାଡ଼ି ଚାଳକଙ୍କୁ ମାଡ଼ମାରିକୁ ନେଇ ଘଟଣା ଉଗ୍ରରୁପ ଧାରଣ କରିଥିଲା । ଯାହାକୁ କେନ୍ଦ୍ରକରି ଯାଜପୁର ଜାତୀୟ ରାଜପଥ ପାଣିକୋଇଲି ରାଜପଥକୁ ଦୀର୍ଘସମୟ ଧରି ରାସ୍ତା ରୋକ କରାଯାଇଥିଲା । ଯାହାଫଳରେ ଗାଡ଼ିଚଳାଚଳ ବାଧା ସୃଷ୍ଟି ହୋଇଥିଲା । ଗାଡ଼ି ହେଲଫରଙ୍କୁ ମାଡ଼ ମାରିବା ଅଭିଯୋଗରେ ପାଣିକୋଇଲି ପୋଲିସ୍ ଟୋଲଗେଟର ଜଣେ କର୍ମଚାରୀଙ୍କୁ ଗିରଫ କରିଛି । ଗିରଫ ହୋଇଥିବା ଅଭିଯୁକ୍ତ ଏହି ଥାନାର ଅଳତିରା ଗ୍ରାମର ଅକ୍ଷୟ ସାହୁଙ୍କ ପୁଅ ପ୍ରକାଶ ସାହୁ(୩୨) ବୋଲି ଜଣାପଡ଼ିଛି । ଏଠାରେ ସୁଚନା ଯୋଗ୍ୟ ଯେ ଶନିବାରଦିନ କୌଣସି ଘଟଣାକୁ ନେଇ ଭଦ୍ରକ ବାସୁଦେବପୁରରୁ ଆସିଥିବା ଆଇଚର ଡ୍ରାଇଭର ଜଗନ୍ନାଥ ବେହେରା ଏବଂ ତାଙ୍କ ହେଲଫର ତାପସ ବେହେରାକୁ ଟୋଲ ଗେଟରେ ଏହି କର୍ମଚାରୀ ମାଡ ÿମାରିଥିବାରୁ ପାଣିକୋଇଲି ଥାନାରେ ଅଭିଯୋଗ କରାଯାଇଥିଲା । ଦୀର୍ଘ ୩ଘଣ୍ଟା ଧରି ରାସ୍ତା ରୋକ କରାଯାଇଥିବାରୁ ପାଣିକୋଇଲି ପୋଲିସ୍ ପହଁଞ୍ଚô କାର୍ଯ୍ୟାନୁଷ୍ଟାନ ନେବା ସହିତ ପ୍ରତିଶୃତି ଦେବାରୁ ରାସ୍ତା ରୋକ ହଟିଥିଲା । ପାଣିକୋଇଲି ପୋଲିସ୍ ପକ୍ଷରୁ ପ୍ରକାଶ ସାହୁଙ୍କୁ ଗିରଫକରିବା ସହିତ କେସ ନଂ-୨୩୨/୨୧ ଓ ଭାରତୀୟ ଦଣ୍ଡଧାରା ୩୧୪,୩୨୩,୨୩୪ ରେ ଏକ ମାମଲା ରୁଜୁ କରାଯାଇଥିବା ବେଳେ ଆସାମୀ ଫ୍ରକାଶ ସାହୁଙ୍କୁ ଗିରଫ କରି କୋର୍ଟଚାଲଣ କରାଯାଇଥିବା ପୋଲିସ୍ ସୁତ୍ରରୁ ପ୍ରକାଶ ।