ଗଞ୍ଜେଇ ସହ ଅଟୋ ଜବତ : ଦୁଇଜଣ ଚାଲାଣକରୀ ଗିରଫ

ବାରିପଦା ,ବାଲିଗୁଡା ୩/୯/୨୦ (ସନ୍ଧାନ ନିଉଜ/ଲିଙ୍ଗରାଜ ପଣ୍ଡା) :- କନ୍ଧମାଳ ଜିଲ୍ଲା ବାଲିଗୁଡା ପୋଲିସ ପୋଖରୀ ବନ୍ଧ ଗ୍ରାମରେ  ପାଟ୍ରୋଲିଂ କରୁଥିବା ସମୟରେ ଗଞ୍ଜେଇ ଚୋରାଚାଲାଣ ବେଳେ ପୋଲିସ୍ ପକ୍ଷରୁ ଚଢ଼ାଉ । ସୂଚନା ପ୍ରକାରେ ବାଲିଗୁଡା ପୋଲିସ ତରଫରୁ  ପାଟ୍ରୋଲିଂ ଚାଲିଥିବା ବେଳେ ପୋଲିସ୍ କୁ ଦେଖି ଦୃତଗତିରେ ଯାଉଥିବା ଏକ ଅଟୋ  ନଂ.ଓଡି.12-ଏ-3684 କୁ ପିଛା କରିଥିଲା ପୋଲିସ୍ । ବାଲିଗୁଡ଼ା ଥାନା ପୋଖରୀବନ୍ଧ  ନିକଟରେ ଅଟୋକୁ  ଧରିବାରେ ସକ୍ଷମ ହୋଇଥିଲା ପୋଲିସ୍ ଏବଂ ସେଥିରେ 104କେଜି ଗଞ୍ଜେଇ ଥିବା ଅଟୋକୁ ଜବତ କରିବା ସହ ଦୁଇଜଣ ଚାଲାଣକାରୀଙ୍କୁ ଗିରଫ କରି କରୋନା ପରୀକ୍ଷା କରି କୋର୍ଟ ଚାଲାଣ କରିଛି ପୋଲିସ୍ । ଦୁଇ ଚାଲାଣ କାରୀ ହେଲେ ଅନୁଗୁଳ ଜିଲ୍ଲା ଛେଣ୍ଡିପଦା ଅଞ୍ଚଳର ଜମେଶ କୁମାର ସାହୁ  ଏବଂ କନ୍ଧମାଳ ଜିଲ୍ଲା ବାଲିଗୁଡା ଥାନା ସୁଡୁରା  ଅଞ୍ଚଳର ସୁବାଷ  ଚନ୍ଦ୍ର ମଲିକ ବୋଲି ପୋଲିସ ପ୍ରକାଶ କରିଛି l ଏହି ଗଞ୍ଜେଇ ବାଲିଗୁଡ଼ାର ସୁଡୁରା  ଅଞ୍ଚଳରୁ ଅନୁଗୁଳ ଜିଲ୍ଲାକୁ ଗଞ୍ଜେଇ ଚୋରାଚାଲାଣ ହେଉଥିବା ବେଳେ ଜବତ ଗଞ୍ଜେଇର ଆନୁମାନିକ ମୂଲ୍ୟ ପାଞ୍ଚ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଆକଳନ କରାଯାଇଛି l ଏନେଇ ବାଲିଗୁଡା ଥାନା କେଶ ନଂ.153/20 ପ୍ରକାରେ ଏକ ମକଦ୍ଦମା ରୁଜୁ କରାଯାଇଛି ବୋଲି ଥାନା ଅଧିକାରୀ ପ୍ରଶାନ୍ତ କୁମାର ବେହେରା  ପ୍ରକାଶ କରିଛନ୍ତି l