ଗଂଜେଇ ବିକ୍ରେତା ଗିରଫ, ୭ କିଲୋ ଜବତ

ରାଉରକେଲା, ୨୨/୧୦ (ସନ୍ଧାନ ନିୟୁଜ) : ନିଶାରେ ଲଗାମ କଷିଛି ଅବକାରୀ ବିଭାଗ । ତଳ ବାଲିଯୋଡ଼ିରେ ରହୁଥିବା ଦୟାନିଧି ମଲ୍ଲଙ୍କ ଘରୁ ଅବକାରୀ ବିଭାଗର ଏକ ଟିମ୍ ଚଢାଉ କରି ୭ କିଲୋ ଗଂଜେଇ ଜବତ କରିଛନ୍ତି । ଆଜି ପୂର୍ବାହ୍ନ ପ୍ରାୟ ୧୦.୪୦ରେ ଅବକାରୀ ବିଭାଗକୁ ତଳବାଲିଯୋଡ଼ିର ଏକ ଜାଗାରେ ଗଂଜେଇ ବିକ୍ରୀ ହେଉଥିବାର ଗୁପ୍ତ ସୂଚନା ମିଳିଥିଲା । ଏହାକୁ ଅଝାଧାର କରି ଅବକାରୀ ବିଭାଗ ଅଧିକାରୀ ଉକ୍ତ ଜାଗାରେ ଚଢାଉ କରି ଗଂଜେଇ ଜବତ କରିବା ସହ ଗଂଜେଇ ବିକ୍ରେତା ଦୟାନିଧି ମଲ୍ଲକୁ ଗିରଫ କରି କୋର୍ଟ ଚାଲାଣ କରିଛି । ଏହି ଚଢାଉରେ ଅବକାରୀ ଇନ୍ସପେକ୍ଟର ମିହିର ସେଠୀ ଓ ଅନ୍ୟମାନେ ଉପସ୍ଥିତ ଥିଲେ ।