ଖୁବଶୀଘ୍ର ବଜାରକୁ ଆସିବ ୨୦ ଟଙ୍କିଆ କଏନ୍

ନୂଆଦିଲ୍ଲୀ , ୭/୩ (ସନ୍ଧାନ ନିୟୁଜ) : ଏପର୍ଯ୍ୟନ୍ତ ଆମେ ୧, ୨, ୫ ଏବଂ ୧୦ ଟଙ୍କିଆ କଏନ୍ ଦେଖିଆସୁଥିଲୁ, କିନ୍ତୁ ଖୁବଶୀଘ୍ର ବଜାରରେ ୨୦ ଟଙ୍କିଆ କଏନ୍ ଦେଖିବାକୁ ମିଳିବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଦିଲ୍ଲୀରେ ଭିନ୍ନ-ଭିନ୍ନ ମୂଲ୍ୟର ନୂଆ କଏନ୍ ଉନ୍ମୋଚନ କରିଛନ୍ତି। ଏହି କଏନ୍ ଗୁଡ଼ିକ ମଧ୍ୟରେ ୧, ୨, ୫ ଓ ୧୦ ଟଙ୍କା ବ୍ୟତୀତ ନୂଆ ୨୦ ଟଙ୍କିଆ କଏନ୍ ମଧ୍ୟ ସାମିଲ ଅଛି । ଏହି କଏନର ବିଶେଷତ୍ୱ ହେଉଛି, ଏହାକୁ ଦୃଷ୍ଟିବାଧିତ ଲୋକେ ମଧ୍ୟ ଭଲ ଭାବେ ଚିହ୍ନି ପାରିବେ।