ଖଣି ଟେଣ୍ଡର ଦେବା ଲାଗି ଏକ କୋଟି ଟଙ୍କା ଏବଂ ବିଳାସମୟ ଏସୟୁଭି କାର ଲାଞ୍ଚ ନେଇଛନ୍ତି ମାଲକାନଗିରି ଜିଲ୍ଲାପାଳ

ମାଲକାନଗିରି, ୨୨/୦୬/୨୦୨୧ (ସନ୍ଧାନ ନିଉଜ) : ଏକ କୋଟି ଟଙ୍କାର ଲାଞ୍ଚ ନେଇଛନ୍ତି ମାଲକାନଗିରି ଜିଲ୍ଲାପାଳ। ଏହା ସହିତ ଖଣି ମାଲିକଙ୍କୁ ଟେଣ୍ଡର ଦେବା ଲାଗି ନେଇଛନ୍ତି ବିଳାସମୟ ଏସୟୁଭି କାର। ଆଜି ଏହିଭଳି ସଂଘିନ ଅଭିଯୋଗ ଆଣିଛନ୍ତି କଂଗ୍ରେସ। ଆଜି ଓଡିଶା ପ୍ରଦେଶ କଂଗ୍ରେସ କମିଟି (ଓପିସିସି) କାର୍ଯ୍ଯକାରୀ ସଭାପତି ପ୍ରଦୀପ ମାଝୀ ମାଲକାନଗିରି ଜିଲ୍ଲାପାଳଙ୍କ ବିରୋଧରେ ଏହିଭଳି ଗୁରୁତର ଅଭିଯୋଗ ଆଣିଛନ୍ତି। ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି କଂଗ୍ରେସର ବରିଷ୍ଠ ନେତା ଅଭିଯୋଗ କରିଛନ୍ତି ଯେ ଏକ ନିର୍ଦ୍ଦିଷ୍ଟ ଖଣି ମାଲିକଙ୍କୁ ସାତୋଟି ପଥର ଖଣି ବଣ୍ଟନ କରିବା ପାଇଁ କଲେକ୍ଟର ଏକ କୋଟି ଟଙ୍କା ଲାଞ୍ଚ ଏବଂ ବିଳାସପୂର୍ଣ୍ଣ ଏସୟୁଭି ନେଇଥିଲେ। ମାଝି ଅଭିଯୋଗ କରିଛନ୍ତି ଯେ ଖଣି ମାଲିକଙ୍କୁ ଏକକୋଟି ଟଙ୍କାରେ ଖଣି ପ୍ରଦାନ କରାଯାଇଥିବାବେଳେ ଆବଣ୍ଟିତ ସାତୋଟି ପଥରର ଖଣିର ମୂଲ୍ୟ ହେଉଛି 2.38 କୋଟି ଟଙ୍କା।