କେନ୍ଦୁଝର, ୧/୭ (ସନ୍ଧାନ ନିୟୁଜ) କେନ୍ଦୁଝର ସଦର ଥାନା ଅନ୍ତର୍ଗତ ମୈଦାନକେଲ ପଂଚାୟତର ବାସୁଦେବପୁର ଜଙ୍ଗଲରୁ ଜଣେ ଯୁବତୀଙ୍କ ଅର୍ଧନଗ୍ନ ମୁଣ୍ଡ ବିହୀନ ଗଳିତ ମୃତଦେହ ଉଦ୍ଧାର କରାଯାଇଛି । ଯୁବତୀ ଜଣଙ୍କୁ ଧର୍ଷଣ ପରେ ହତ୍ୟା କରାଯାଇଥିବାର ସନ୍ଦେହ କରାଯାଉଛି । ମୃତ ଦେହଟିରେ ମୁଣ୍ଡ ନଥିବା ବେଳେ ଏହା ସମ୍ପୂର୍ଣ୍ଣମାତ୍ରରେ ପଚିଯାଇଛି । ମୃତ ଦେହଟିକୁ ଦେଖିବା ପରେ ଅନୁମାନ କରାଯାଉଛି କି, ୪/୫ ଦିନ ପୂର୍ବରୁ ହତ୍ୟା କରାଯାଇଛି । ଆଜି ଅପରାହ୍ନ ସମୟରେ ସ୍ଥାନୀୟ ଲୋକମାନେ ଏହି ମୃତ ଦେହକୁ ଦେଖିବାକୁ ପାଇ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇଥିବା ସହ ଘଟଣାର ତଦନ୍ତ ଆରମ୍ଭ କରିଛି । ତେବେ ବର୍ତ୍ତମାନ ପର୍ଯ୍ୟନ୍ତ ଯୁବତୀଙ୍କ ପରିଚୟ ମିଳିନଥିବା ସହ ହତ୍ୟାର କାରଣ ଅସ୍ପଷ୍ଟ ରହିଛି । କୌଣସି ସ୍ଥାନରେ ଏହି ଯୁବତୀ ଜଣଙ୍କୁ ଧର୍ଷଣ ପରେ ହତ୍ୟା କରାଯାଇ ମୃତଦେହକୁ ଏହି ଜଙ୍ଗଲରେ ଫୋପାଡ଼ି ଦିଆଯାଇଥିବ ବୋଲି ଅନୁମାନ କରାଯାଉଛି
Report- Ananta Jena
