କଳା ପଲସରରେ କଳା କାରନାମା, ଏମିତି ଝାମ୍ପି ନେଲେ ଅଢେଇ ଲକ୍ଷ

ନୀଳଗିରି,୦୧.୦୧.୨୦୨୧(ସନ୍ଧାନ ନିଉଜ/ଲିଙ୍ଗରାଜ ପଣ୍ଡା):- କଳାପଲସରେ ପୁଣି କଳା କାରନାମା ବାଲେଶ୍ବର ଜିଲ୍ଲା ନୀଳଗିରିରେ ପୁଣି କଳା ପଲସର ଦୁର୍ବୃତ୍ତଙ୍କ ଆତଙ୍କ । ବର୍ଷର ଶେଷ ଦିନରେ ଜଣେ ବ୍ୟକ୍ତିଙ୍କ ଠାରୁ ଅଢେଇ ଲକ୍ଷ ଟଙ୍କା ଝାମ୍ପି ନେଇଛନ୍ତି । ଋଣ ପରିଶୋଧ କରିବା ପାଇଁ ପୂର୍ଣ୍ଣଚନ୍ଦ୍ର ମହାପାତ୍ର ନାମକ ବ୍ୟକ୍ତି ଷ୍ଟେଟ୍ ବ୍ୟାଙ୍କ ଶାଖାରୁ ଅଢେଇ ଲକ୍ଷ ଟଙ୍କା ଉଠାଇ କରି ଆସୁଥିଲେ । ସେ ଆକ୍ସିସ୍ ବ୍ୟାଙ୍କକୁ ଟଙ୍କା ଜମା କରିବା ପାଇଁ ଆସୁଥିବା ବେଳେ କଳା ପଲସରରେ ପିଛା କରୁଥିବା ଦୁଇ ଜଣ ଦୁର୍ବୃତ୍ତ ତାଙ୍କ ହାତରୁ ବ୍ୟାଗ ଝାମ୍ପି ନେଲେ । ବ୍ୟାଙ୍କ ନିକଟରେ ସେ ଗାଡି ଡିକିରୁ ଟଙ୍କା କାଢୁଥିବା ବେଳେ ଦୁର୍ବୃତ୍ତମାନେ ତାଙ୍କ ହାତରୁ ବ୍ୟାଗ ଝାମ୍ପି ନେଇଥିଲେ । ପୁଲିସ ଏବେ ସିସି ଟିଭି ଆଧାରରେ ଏହାର ଯାଞ୍ଚ କରୁଛି ।