‘କରୋନା’ ପ୍ରତିକାର ନେଇଁ ଭଦ୍ରକ ଜିଲ୍ଲା ପ୍ରଶାସନ ତତ୍ପର

ଭଦ୍ରକ , ୩୧/୦୩ (ସନ୍ଧାନ ନିୟୁଜ) ସାରା ବିଶ୍ବରେ କାୟା ବିସ୍ତାର କରିଥିବା ‘କରୋନା’ ସତର୍କତା ପାଇଁ ସରକାରୀ ନିର୍ଦ୍ଦେଶ ପରେ ତତ୍ପର ହୋଇ ଉଠିଛି ଭଦ୍ରକ ଜିଲ୍ଲା ପ୍ରଶାସନ . ପୂର୍ବରୁ ସମସ୍ତ ସ୍କୁଲ ଓ ଅଙ୍ଗନଓ୍ବାଡ଼ି କେନ୍ଦ୍ର ସହ ସମସ୍ତ ସିନେମା ହଲ୍ ଛୁଟି ଘୋଷଣା ପରେ ଆଜି ଆଉ ଏକ ବଡ଼ ପଦକ୍ଷେପ ନେଇଛି ଭଦ୍ରକ ପ୍ରଶାସନ . ଭଦ୍ରକ ଜିଲ୍ଲାର ସମସ୍ତ ସପିଙ୍ଗଂ ମଲଙ୍କୁ ଓ ଜିମ ସେଣ୍ଟରକୁ ଆସନ୍ତା ୩୧ ତାରିଖ ଯାଏ ବନ୍ଦ କରାଯାଇଛି . କେବଳ ଫୁଡ଼ ଆଇଟମ ଉପରେ ଏହାର ପ୍ରତିବନ୍ଧକ ଲଗାଯାଇ ନାହିଁ.ଏହା ଛଡ଼ା ଜରୁରୀକାଳୀନ ସେବା ପାଇଁ ଜିଲ୍ଲାର ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ କରାଯାଇଛି. ସେପଟରେ ଜିଲ୍ଲାର ମୁଖ୍ୟ ଚିକିତ୍ସାଳୟରେ କରୋନା ପାଇଁ ସ୍ୱତନ୍ତ୍ର ୱାଡ଼ ଖୋଲାଯିବା ସହ 4 ଟି ବେଡ଼ ମଧ୍ୟ ରଖାଯାଇଛି. ଜିଲ୍ଲାର ମେଡିସିନ ଦୋକନାରେ ଅତ୍ୟାବଶ୍ୟକ ସାମଗ୍ରୀ କଳାବାଜାରୀ ନେଇ ରେଡ଼ କରାଯିବ ସହ ପରିସ୍ଥିତି ଉପରେ ନଜର ରଖିଛନ୍ତି ବୋଲି କହିଛନ୍ତି ଦାୟିତ୍ୱରେ ଥିବା ଜିଲ୍ଲାପାଳ ଶ୍ୟାମଭକ୍ତ ମିଶ୍ର.