କରମଡିହିରୁ ଛତିଶଗଡକୁ ସଂଯୋଗ କରୁଥିବା ରାଜ୍ୟ ରାଜପଥ ୩୧ର ଶୋଚନୀୟ ସ୍ଥିତି

ସୁନ୍ଦରଗଡ : 19/07/2021 (ସନ୍ଧାନ ନିଉଜ /ରାଜୁ ପଟେଲ ) ସବଡେଗା ବ୍ଲକ ଅନ୍ତର୍ଗତ କରମଡିହି ଠାରୁ ସବଡେଗା ଦେଇ ଛତିଶଗଡ କୁ ସଂଯୋଗ କରୁଥିବା ୩୧ ନମ୍ବର ରାଜ୍ୟ ରାଜପଥର ଅବସ୍ଥା ଶୋଚନୀୟ ହୋଇ ପଡିଛି । ରାସ୍ତାର ଅନେକାଂଶ ଜାଗାରେ ଖାଲ ହୋଇ ପାଣି ଜମିରହିବା ଦେଖିବାକୁ ମିଳିଛି । ପାଣି ଜମିବା ଦ୍ୱାରା ରାସ୍ତାର ପିଚୁ ଓ ଗୋଡି ସବୁ ଉପୁଡିବାରେ ଲାଗିଛି । ଏହି କାରଣରୁ ଯାନବାହନ ଚଳାଚଳ ସମୟରେ ଦୁର୍ଘଟଣା ହେବାର ସମ୍ଭାବନାର ମାତ୍ରା ବଢ଼ିବାରେ ଲାଗିଛି । ରାସ୍ତାରେ ମଝିରେ ବଡ ବଡ ଖାଲ ହୋଇଯାଇଥିବା ଯୋଗୁ ନିରୀହ ବାଇକ ଆରୋହୀ ନିଜ ପରିବାର ସହ ଯିବା ସମୟରେ  ଦୁର୍ଘଟଣାର ଶିକାର ହେଉଥିବା ଦେଖିବାକୁ ମିଳୁଛି l   ଏହି ପ୍ରସଙ୍ଗରେ ଗତକାଲି  ସବଡେ଼ଗା ବ୍ଲକ କଂଗ୍ରେସ ସଭାପତି ଶ୍ରୀଯୁକ୍ତ ଶୁଭେନ୍ଦୁ କୁମାର ନାଏକଙ୍କ ନେତୃତ୍ୟରେ ଏକ ଦଳ (ଶ୍ରୀଯୁକ୍ତ ନାଜିର ହୁସେନ,ହେର୍ମାନ ବାର୍ଲ୍ଲା,ଧନେଶ୍ୱର ସାଗର ଏବଂ ପାତ୍ରାସ ତିର୍କି)    ନିର୍ବାହି ଯନ୍ତ୍ରୀ ଓ ଗୃହ ନିର୍ମାଣ ବିଭାଗକୁ ଏକ ଦାବି ପତ୍ର ପ୍ରଦାନ କରିଛନ୍ତି । ଏହି ରାସ୍ତାରେ  ଅନେକ ସମୟ ଧରି ନିର୍ମାଣ କାର୍ଯ୍ୟ ନ ହେବାରୁ ଏହି ପଦକ୍ଷେପ ନିଆଯାଇଛି ।