କଣ୍ଟେନମେଣ୍ଟ ହଟାଇବା ଦାବିରେ ପୋଲିସ-ସାମ୍ବାଦିକଙ୍କୁ ପଥରମାଡ

ରାଉରକେଲା, ୨୬/୦୫ (ସନ୍ଧାନ ନିଉଜ): ଇସ୍ପାତ ସହରରେ ଉତ୍ତେଜନା । କେବଳ ବଫର ଜୋନ ନୁହେଁ କଣ୍ଟେନମେଣ୍ଟ ଜୋନରୁ କଟକଣା ଉଠାଇବା ଦାବି ନେଇ କଣ୍ଟେନମେଣ୍ଟ ଜୋନ ବାସିନ୍ଦା ପ୍ରଶାସନ ବିରୋଧରେ ରାଜରାସ୍ତାକୁ ଓହ୍ଲାଇଛନ୍ତି । ସେମାନେ ବ୍ୟାରିକେଡ ଭଙ୍ଗାରୁଜା, ଜଳାପୋଡା କରିବା ସହ ପୋଲିସ ଓ ସାମ୍ବାଦିକଙ୍କ ଉପରକୁ ପଥରମାଡ କରିଛନ୍ତି । ସଂପୃକ୍ତ ଅଞ୍ଚଳରେ ପୋଲିସ ଫୋର୍ସ ମୁତୟନ କରାଯିବା ସହ ପରିସ୍ଥିତିକୁ ସାମାନ୍ୟ କରିବା ପାଇଁ ଉଦ୍ୟମ ଜାରି ରଖିଛି ।  ରାଉରକେଲାରେ ପ୍ରଥମ କୋରୋନା ଆକ୍ରାନ୍ତ ଚିହ୍ନଟ ହେବା ପରେ ସହରର କିଛି ଅଞ୍ଚଳକୁ କଣ୍ଟେନମେଣ୍ଟ ଓ ବଫର ଜୋନ ଭାବେ ଗତ ମାସ 26 ତାରିଖରେ ଘୋଷଣା କରାଯାଇ ବିଭିନ୍ନ କଟକଣା ଲଗାଯାଇଥିଲା । 1 ମାସ ପରେ ମଙ୍ଗଳବାର ବଫର ଜୋନରୁ ସମସ୍ତ କଟକଣା ପ୍ରତ୍ୟାହାର କରି ନିଆଯାଇଛି । ସେହିପରି କଣ୍ଟେନମେଣ୍ଟ ଜୋନ ଅଧୀନରେ ଥିବା ମେନରୋଡର ବାମ ପାର୍ଶ୍ବ ଅଞ୍ଚଳ ଯଥା ଓଲ୍ଡ ଷ୍ଟେସନ ରୋଡ, ଭଟ୍ଟୀ ରୋଡ, ଦରଘାଇ ମୋହଲ୍ଲା, ସେଣ୍ଟ୍ରାଲ ମାର୍କେଟ, ଗଣେଶ ଚୌକ, ନେତାଜୀ ମାର୍ଗ, ଜାମା ମସଜିଦ ଗଳି, ମାଡୁ ମହାରାଜ ଗଳିରୁ କଣ୍ଟେନମେଣ୍ଟ ଆଦେଶ ସମ୍ପୂର୍ଣ୍ଣ ଭାବେ ପ୍ରତ୍ୟାହାର କରାଯାଇଛି ।