ଓଡ଼ିଆ ଫିଲ୍ମ ଜଗତର ଅଗ୍ରଣୀ ଅଭିନେତ୍ରୀ ଲକ୍ଷ୍ମୀପ୍ରିୟା ବେହେରା ଓରଫ ନିକିତାଙ୍କ ମୃତ୍ୟୁ

କଟକ,, ୫/୧ (ସନ୍ଧାନ ନିୟୁଜ): ଓଡ଼ିଆ ଫିଲ୍ମ ଜଗତର ଅଗ୍ରଣୀ ଅଭିନେତ୍ରୀ ଲକ୍ଷ୍ମୀପ୍ରିୟା ବେହେରା ଓରଫ ନିକିତାଙ୍କ ମୃତ୍ୟୁ, କଟକର ଏକ ଘରୋଇ ହସ୍ପିଟାଲରେ ନିକିତାଙ୍କ ଦେହାନ୍ତ। ଗତକାଲି ବାପଘର ଛାତ ଉପରୁ ଖସି ପଡ଼ିଥିଲେ ନିକିତା। 

କଟକ ମହାନଦୀ ବିହାରରେ ନିକିତାଙ୍କ ବାପଘର, ମାଜିଷ୍ଟ୍ରେଟଙ୍କ ଉପସ୍ଥିତିରେ ହେବ ମୃତଦେହ ବ୍ୟବଚ୍ଛେଦ। ନିକିତା ପୂର୍ବରୁ ବହୁ ଅଲବମ ଓ ଧରାବାହିକରେ ଅଭିନୟ କରିଛନ୍ତି। ସେ ଏ ସି ପି ନିକିତା ରେ ଚମତ୍କାର ଅଭିନୟ କରି ଦର୍ଶକଙ୍କୁ ବେଶ ଆକୃଷ୍ଟ କରିଥିଲେ। ସେନିକିତାଙ୍କୁ ଓଲିଉଡ୍‌ର ଲୋକପ୍ରିୟ ନିର୍ଦ୍ଦେଶକ ସଞ୍ଜୟ ନାୟକ ତାଙ୍କ ନିର୍ଦ୍ଦେଶିତ ଓଡ଼ିଆ ସିନେମା ‘ତୁ ମୋ ଆଖିତର ତାରା’ରେ ବ୍ରେକ୍‌ ଦେଇଥିଲେ। ଏହି ଚଳଚ୍ଚିତ୍ରରେ ତାଙ୍କ ଭୂମିକାଟି ଖୁବ୍‌ ସଂକ୍ଷିପ୍ତ ଥିଲା। ଏହାପରେ ତାଙ୍କୁ ସଞ୍ଜୟ ନାୟକଙ୍କ ନିର୍ଦ୍ଦେଶିତ ‘ମିତ ବସିଛି ମୁଁ ଭୂତ ସାଥୀରେ’, ରାଜୀବ ମହାନ୍ତିଙ୍କ ନିର୍ଦ୍ଦେଶିତ ‘ଚୋରି ଚୋରି’, ରଞ୍ଜନ ମିଶ୍ରଙ୍କ ନିର୍ଦ୍ଦେଶିତ ‘ମଥାରେ ଦେଇ ପାଟ ଓଢ଼ଣୀ’ ଏବଂ ସୁଭାଶିଷ ପତିଙ୍କ ନିର୍ଦ୍ଦେଶିତ ‘ଗୁଣ୍ଡା’ ଆଦି ଚଳଚ୍ଚିତ୍ରରେ ଦେଖିବାକୁ ମିଳିଥିଲା। ତାଙ୍କ ଅଭିନିୀତ ଶେଷ ସିନେମା ଥିଲା ‘ଗୁଣ୍ଡା’। ବିବାହ କରିଥିଲେ ଏବଂ ତାଙ୍କର ଏକ ୬ ମାସର ପିଲା ମଧ୍ୟ ଅଛି।

Report Prakash Rout Cuttack