ଏମପିସି ଅଟୋ କଲେଜକୁ ବିଶ୍ୱବିଦ୍ୟାଳୟ ମାନ୍ୟତା କେବେ?

ବାରିପଦା, ୧୯/୧୨/୨୦୨୦(ସନ୍ଧାନ ନିଉଜ୍/ ଲିଙ୍ଗରାଜ ପଣ୍ଡା)-ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓଙ୍କ ୧୫୦ତମ ଜୟନ୍ତୀ ଉପଲକ୍ଷେ ମୟୂରଭଞ୍ଜ ସିନିଅର ସିଟିଜେନ୍ ଫୋରମର ଏକ ଭଟୁଆଲ ମିଟିଂ ଅନୁଷ୍ଠିତ ହୋଇଯାଇଛି । ଏହି ଅବସରରେ ମହାରାଜା ପୂର୍ଣ୍ଣଚନ୍ଦ୍ର ସ୍ୱୟଂ ଶାସିତ ମହାବିଦ୍ୟାଳୟ ଏମପିସି କଲେଜକୁ ବିଶ୍ଵବିଦ୍ୟାଳୟମାନ୍ୟତା ପ୍ରଦାନ ପାଇଁ ସର୍ବସମ୍ମତିକ୍ରମେ ପ୍ରସ୍ତାବ ଗ୍ରହଣ କରାଯାଇଛି । ସଂପର୍କରେ ମୁଖ୍ୟମନ୍ତ୍ରୀଙ୍କଠାରେ ଦାବି କରାଯିବାକୁ ନିଷ୍ପତ୍ତି ନିଆଯାଇଛି । ଫୋରମର ସଭାପତି ପ୍ରଦୀପ୍ତ କିଶୋର ପଣ୍ଡାଙ୍କ ପୌରୋହିତ୍ୟରେ ଏହି ଭଟୁଆଇମିଟିଂ ଅନୁଷ୍ଠିତ ହୋଇଥିଲା । ଏଥିରେ ବକ୍ତାମାନେ କହିଥିଲେ ଯେ ବାରିପଦାରେ ଉତ୍ତର ଓଡ଼ିଶା ବିଶ୍ବବିଦ୍ୟାଳୟ ଶିକ୍ଷା କ୍ଷେତ୍ରରେ ବିକାଶ ନେଇ ଏକ ମାଇଲଖୁଣ୍ଟ ହୋଇଛି । ଏହା ଦ୍ଵାରା ମୟୂରଭଞ୍ଜଜିଲାର ଆର୍ଥିକ ଅନଗ୍ରସର ଛାତ୍ରଛାତ୍ରୀ ସ୍ବଳ୍ପ ଖର୍ଚ୍ଚରେ  ଅଧ୍ୟୟନ କରି ପାରୁଛନ୍ତି । ତେବେ ମୟୁରଭଞ୍ଜ ଆୟତନ ଦୃଷ୍ଟିରୁ ଓଡ଼ିଶାର ସର୍ବବୃହତ ଜିଲା । ଲୋକସଂଖ୍ୟା ଦୃଷ୍ଟିରୁ ଏହା ରାଜ୍ୟର ତୃତୀୟ ବୃହତ୍ତମ ଜିଲା ହୋଇଥିଲେ ହେଁ ଦ୍ଵିତୀୟ ବୃହତ୍ତମ ଜିଲା କଟକ ଠାରୁ ଏହାର ଲୋକସଂଖ୍ୟା ୨୦୧୧ରେ ମାତ୍ର ୧୧ ଲକ୍ଷ କର୍ମ ଥିଲା । ଫଳରେ ବିଧାୟକ ସଂଖ୍ୟା (୯) ଦୃଷ୍ଟିରୁ କଟକ ସହ ଏହାର ସ୍ଥାନ ଦ୍ଵିତୀୟ । ସବୁଠାରୁ ବେଶି ସଂଖ୍ୟକ ଆଦିବାସୀ ବାସ କରୁଥିବା ଜିଲାହେଉଛି ମୟୂରଭଞ୍ଜ । ଏ ପରିପ୍ରେକ୍ଷୀରେ ଉତ୍ତର ଓଡ଼ିଶା ବିଶ୍ୱବିଦ୍ୟାଳୟର ବିଭିନ୍ନ ବିଭାଗର ସୀମିତ ସଂଖ୍ୟକ ସିଟ ପାଇଁ ବହୁ ଗରିବ ମେଧାବୀ ଛାତ୍ରଛାତ୍ରୀ ଏଠାରେ ଅଧୟନରୁ ବଞ୍ଚିତ ହେଉଛନ୍ତି । ଆହୁରି ମଧ୍ୟ ମହାରାଜା ପୂର୍ଣ୍ଣ ଚନ୍ଦ୍ର ସ୍ବୟଂଶାସିତ ମହାବିଦ୍ୟାଳୟର କିଛି ବିଭାଗକୁ ଉତ୍ତର ଓଡ଼ିଶା ବିଶ୍ୱବିଦ୍ୟାଳୟକୁ ସ୍ଥାନାନ୍ତରିତ କରାଯାଇଛି । ତେଣୁ ଜିଲାର ମେଧାବୀପିଲାଙ୍କୁ ଉଚ୍ଚ ଶିକ୍ଷାର ସୁଯୋଗ ଦେବାକୁ ଏମପିସିସ୍ବୟଂଶାସିତ ମହାବିଦ୍ୟାଳୟକୁ ବିଶ୍ୱବିଦ୍ୟାଳୟକୁଉନ୍ନୀତ ଦୂରାଯିବା ଆବଶ୍ୟକ ବୋଲି ମତ ପ୍ରକାଶ  ପାଇଥିଲା । ସୂଚନାଯୋଗ୍ୟ ଯେ ଭବାନୀପାଟଣା ମହାବିଦ୍ୟାଳୟ ୧୯୬୦, ରମାଦେବୀ ମହିଳା ମହାବିଦ୍ୟାଳୟ ୧୯୬୪ ଓ ବଲାଙ୍ଗୀରର ରାଜେନ୍ଦ୍ର ମହାବିଦ୍ୟାଳୟ ୧୯୪୪ରେ ପ୍ରତିଷ୍ଠା ହୋଇଥିଲେ ହେଁ ଏସବୁ ଶିକ୍ଷାନୁଷ୍ଠାନ ବିଶ୍ଵବିଦ୍ୟାଳୟକୁ ଉନ୍ନୀତ ହୋଇଛନ୍ତି । ଏମପିସି କଲେଜ ପ୍ରତିଷ୍ଠା ହୋଇଥିଲା୧୯୪୭ ମସିହାରେ । ଇତିମଧ୍ୟରେ ୭୩ ବର୍ଷ ବିତିଗଲାଣି । ସେହିପରି ସମ୍ବଲପୁରରେ ପୂର୍ବରୁ ଏକ ବିଶ୍ବବିଦ୍ୟାଳୟ ଥିବାବେଳେ ସେଠାରେ ଥିବା ଗଙ୍ଗାଧର ମେହେର ମହାବିଦ୍ୟାଳୟକୁ ବିଶ୍ଵବିଦ୍ୟାଳୟକୁ ଉନ୍ନୀତ କରାଯାଇଛି । ବ୍ରହ୍ମପୁରରେ ମଧ୍ୟ ପୂର୍ବରୁ ଏକ ବିଶ୍ୱବିଦ୍ୟାଳୟ ଥିବାବେଳେଖଲିକୋଟ ମହାବିଦ୍ୟାଳୟକୁ ବିଶ୍ଵବିଦ୍ୟାଳୟ ମାନ୍ୟତା ଦିଆଯାଇଛି । ଏମପିସି ସ୍ୱୟଂ ଶାସିତ କଲେଜ ତକତପୁରକୁ ସ୍ଥାନାନ୍ତରିତ ହୋଇଥିବାବେଳେ ସେଠାରେ ଯଥେଷ୍ଟ ଶ୍ରେଣୀ ଗୃହ ରହିଛି । ଏ ପରିପ୍ରେକ୍ଷୀରେ ୭୩ ବର୍ଷର ଏମପିସିକଲେଜକୁ ବିଶ୍ଵବିଦ୍ୟାଳୟ ମାନ୍ୟତା ମିଳିବା ଉଚିତବୋଲି ଆଲୋଚନାରେ ମତ ପ୍ରକାଶ ପାଇଥିଲା ଏହି ଭଟୁଆଲ ବୈଠକରେ ଫୋରମର ସଂପାଦକ ଡ. ଶ୍ୟାମସୁନ୍ଦର ଦାସପ୍ରାରମ୍ଭିକ ଅଭିଭାଷଣ ଦେଇଥିଲେ । ଉପଦେଷ୍ଟା ଡ ବିଜୟ କୁମାର ଅଗରୱାଲା, ଉପସଭାପତି ଡସୁଶାନ୍ତ କୁମାର ପାତ୍ର କୁମାର ରଂଜନ ପଣ୍ଡା, ଉତ୍ତମ କୁମାର ମହାନ୍ତି, ଆଶିଷ କୁମାର ଦେ, ଗଙ୍ଗାଧର ବେହେରା, କାନନ ଆଜ୍ୟ, ଶୋଭନା ଆଚାର୍ଯ୍ୟ, ବ୍ରଜେଶ୍ଵର ଷଡଙ୍ଗୀ ପ୍ରମୁଖ ଆଲୋଚନାରେଅଂଶଗ୍ରହଣ କରିଥିଲେ।