ଏଣ୍ଡଳବା ବିଜେଡି ସଭାପତିଙ୍କ ବନ୍ଧୁ ମିଳନ

ଗଡ଼ମଧୁପୁର୨୭/୧ (ସନ୍ଧାନ ନିଉଜ/ପ୍ରଶାନ୍ତ ସାମଲ) : ଧର୍ମଶାଳା ନିର୍ବାଚନ ମଣ୍ଡଳୀ ଏଣ୍ଡଳବା ପଂଚାୟାତ ନବନିଯୁକ୍ତ ବିଜୁଜନତା ଦଳର ପଂଚାୟତ ସଭାପତିଙ୍କ ଦ୍ୱାରା ଏକ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି । ଏଣ୍ଡଳବା ପଂଚାୟତ ଅନ୍ତର୍ଗତ କଲାଣ୍ଡ ବାଲିପଡିଆ ଦଦରାମଠ ଠାରେ ଏହି ଉସôବ ଆୟୋଜିତ ହୋଇଥିଲା । ଏହି ବନ୍ଧୁ ମିଳନ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ ଯୁବ କର୍ମୀ ସୁଧାଂଶୁ ଭୁଷଣ ସାହୁ (ତପନ)ଙ୍କୁ ପଂଚୟାତର ସଭାପତି ଭାବରେ ମନୋନୟନ କରି ଗୁରୁ ଦାୟୀତ୍ୱ ଅର୍ପଣ କରିଥିବାରୁ ପଂଚାୟତର ଉପସ୍ଥିତ ଥିବା ବରିଷ୍ଟ ବିଜେଡି କର୍ମୀ ଓ ନେତୃ ସ୍ଥାନୀୟ ବ୍ୟକ୍ତି ମାନେ ବିଧାୟକଙ୍କୁ ସାଧୁବାଦ ଜଣାଇଥିଲେ । ପଂଚାୟତର ଶତାଧିକ କର୍ମୀ ଏହି ବୈଠକରେ ଯୋଗଦେଇ ଆଗକୁ କିପରି ଦଳୀୟ କାର୍ଯ୍ୟକ୍ରମକୁ ସୁଦୃଢ଼ କରାଯାଇପାରିବ ସେଥିପ୍ରତି ଗୁରୁତ୍ୱ ଦେଇଥିଲେ । ଏକ ମନ ହୋଇ ନବନିଯୁକ୍ତ ସଭାପତିଙ୍କୁ ସହଯୋଗ କରିବାକୁ ଉପସ୍ଥିତ ସମସ୍ତ କର୍ମୀ ପ୍ରତିଶୃତି ଦେଇଥିଲେ । ସମସ୍ତ ମତାନ୍ତରକୁ ଭୁଲି ଆଗାମୀ ଦିନରେ ଦଳକୁ ଏକଜୁଟ କରି ନୁତନ ସଭାପତି ଦଳକୁ ପରିଚାଳନା କରିବେ ବୋଲି ଦୃଢ଼ ଆଶା ପୋଷଣ କରାଯାଇଥିଲା । ଏଥି ସହିତ ତାଙ୍କ ନେତୃତ୍ୱରେ ପଂଚାୟତ ନିର୍ବାଚନରେ ଦଳ ଯେପରି ଭଲ ପ୍ରଦର୍ଶନ କରିବ ସେଥିପ୍ରତି ଯତ୍ନବାନ ହେବାକୁ ସମସ୍ତଙ୍କୁ ଆହ୍ୱାନ ଦେଇଥିଲେ । ଏହି ଅବସରରେ ନବ ନିଯୁକ୍ତ ସଭାପତି ବିଧାୟକଙ୍କ ପ୍ରତି ନିଜର କୃତଜ୍ଞତା ପ୍ରକାଶ କରିଥିଲେ । ଆଗକୁ ବିଧାୟକଙ୍କର ବିଶ୍ୱାସ ବଜାୟ ରଖିବାକୁ ସମସ୍ତ ଦଳୀୟ କର୍ମକର୍ତ୍ତାଙ୍କୁ ସାଥିରେ ନେଇ ସେ ଦଳୀୟ କାର୍ଯ୍ୟକ୍ରମ କରିବେ ବୋଲି ପ୍ରତିଶୃତି ଦେଇଥିଲେ । ଉପସ୍ଥିତ ସମସ୍ତ କର୍ମୀମାନଙ୍କୁ ବନ୍ଧୁମିଳନରେ ଯୋଗଦେଇ ଉସôାହିତ କରିଥିବାରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।