ଏଣ୍ଡଳବା ପଞ୍ଚାୟତ ରେ ଖୋଲିଲା ଧାନମଣ୍ଡୀ।

ଜେନାପୁର/, ୧୪/୧ (ସନ୍ଧାନ ନ୍ୟୁ ଜ୍) : ଧର୍ମଶାଳା ବ୍ଲକ ଏଣ୍ଡଳବା ପଞ୍ଚାୟତରେ ବୁଧବାର ଧାନମଣ୍ଡି ଉଦଘାଟିତ ହୋଇଯାଇଛି। ଗ୍ରାମ ପଞ୍ଚାୟତ ସ୍ବୟଂ ସହାୟକ ଗୋଷ୍ଠୀ ପରିଚାଳିତ ଏହି ଧାନମଣ୍ଡିକୁ ଧର୍ମଶାଳା ଅତିରିକ୍ତ ତହସିଲଦାର ଶ୍ରୀ ଭବେଶ କୁମାର ମାଝୀ ଉଦଘାଟନ ଓ କଣ୍ଟା ପୂଜା କରିଥିଲେ | ସମ୍ମାନିତ ଅତିଥି ଭାବେ ଯାଜପୁର ସହକାରୀ ସମବାୟ ନିବନ୍ଧକ ପ୍ରଭାତ କୁମାର ବାରିକ,ଯାଜପୁର ଆରଏମସି ସୁପରଭାଇଜର ସାମନ୍ତ ଭିକାରୀ ଚରଣ ଧୀର, ଧର୍ମଶାଳା ମିଶନ ଶକ୍ତି ସଂଯୋଜକ ସଂଗ୍ରାମ କେଶରୀ ବେହେରା, ନୋଡ଼ାଲ ଅଫିସର ଅଭିମନ୍ୟୁ ସାହୁ ପ୍ରମୁଖ ଯୋଗ ଦେଇଥିଲେ। ଗ୍ରାମ ପଞ୍ଚାୟତ ସ୍ୱୟଂ ସହାୟକ ଗୋଷ୍ଠୀ ର ସଭାପତି ପ୍ରତିଭା ପଣ୍ଡା ଏବଂ ସମସ୍ତ ସଦସ୍ୟା ଉପସ୍ଥିତ ଥିଲେ। ଚାଷୀ କମିଟିର ସଭାପତି ବିଜୟ କୁମାର ପ୍ରଧାନ, ସଭ୍ୟ ଚକ୍ରଧର ବେହେରା, ବିଜୟ କୁମାର ଦାଶ ଓ ଅନୀଲ କୁମାର ପଣ୍ଡା ପ୍ରମୁଖ ଉପସ୍ଥିତ ରହି ମଣ୍ଡିକୁ ଶୃଙ୍ଖଳିତ ଭାବେ ପରିଚାଳନା କରିଥିଲେ । ପ୍ରଥମ ଦିନରେ ଚଣ୍ଡୀ ରାଇସ ମିଲ ୬ ଜଣ ପଞ୍ଜିକୃତ ଚାଷୀ ଙ୍କ ଠାରୁ ୧୨୧ କ୍ୱିଣ୍ଟାଲ ଧାନ କ୍ରୟ କରିଥିଲା | କ୍ରମାନ୍ବୟରେ ଟୋକନ ପାଇଥିବା ସମସ୍ତ ଚାଷୀଙ୍କଠାରୁ ଧାନ କ୍ରୟ କରାଯିବ ବୋଲି ପଞ୍ଚାୟତ ସ୍ୱୟଂ ସହାୟକ ଗୋଷ୍ଠୀ ର ସଭାନେତ୍ରୀ ପ୍ରତିଭା ପଣ୍ଡା ସୂଚନା ଦେଇଛନ୍ତି ।