ଭୁବନେଶ୍ୱର, ୧୨/୦୬ (ସନ୍ଧାନ ନିୟୁଜ)- ଗନ୍ତବ୍ୟ ସ୍ଥଳକୁ ଯିବାକୁ ବସ୍ ଛିଡା ହୋଇଥିଲା। ଏଥିରେ ଜଣେ ଯୁବତୀ ଚଢ଼ିଥିଲେ। ସେତେବେଳକୁ କେହି ଯାତ୍ରୀ ବସ୍ରେ ନଥିଲେ। ଏହାର ସୁଯୋଗ ନେଇ ବସ୍ କଣ୍ଡକ୍ଟର ଜଣଙ୍କ ଯୁବତୀଙ୍କ ସହ ଅସଦାଚରଣ କରିବା ସହ ଦୁଷ୍କର୍ମ ଉଦ୍ୟମ କରିଥିଲେ। ଯୁବତୀ ଜଣଙ୍କ ଚିତ୍କାର କରିବାରୁ ଡ଼ରରେ ଛାଡି ଦେଇଥିଲେ। ଏପରି ଏକ ଅଭାବନୀୟ ଘଟଣା ଘଟିଛି ରାଜଧାନୀ ଭୁବନେଶ୍ୱରର ବରମୁଣ୍ଡା ବସ୍ଷ୍ଟାଣ୍ଡରେ।
ଅଭିଯୋଗ ଅନୁସାରେ, ଯୁବତୀ ଜଣଙ୍କ କୌଣସି ସ୍ଥାନକୁ ଯିବାକୁ ବରମୁଣ୍ଡା ବସ୍ଷ୍ଟାଣ୍ଡରେ କେନ୍ଦୁଝର ଯାଉଥିବା ‘ଆଲଭିନା’ ବସ୍ରେ ଚଢ଼ିଥିଲେ। ହେଲେ ବସ୍ରେ ଯୁବତୀଙ୍କୁ ଏକାକୀ ପାଇ କଣ୍ଡକ୍ଟର ଜଣଙ୍କ ଦୁଷ୍କର୍ମ ଉଦ୍ୟମ କରିଥିଲେ। ଯୁବତୀ ଚିତ୍କାର କରିବାକୁ ତାଙ୍କୁ ଛାଡି ଦେଇଥିଲେ। ହେଲେ ଯୁବତୀଙ୍କୁ ଖରାପ ଭାଷାରେ ଗାଳିଗୁଲଜ କରିବା ସହ ଟିକେଟ୍ ଫେରାଇ ଦେଇ ବସ୍ରୁ ଓହ୍ଲାଇ ଯିବାକୁ କହିଥିଲେ। ଏହି ସମୟରେ ଅନ୍ୟ କିଛି ଯାତ୍ରୀ ଆସି ଯିବାରୁ କଣ୍ଡକ୍ଟର ଜଣଙ୍କ ଡରି ଯାଇଥିଲେ ଓ ଯୁବତୀଙ୍କୁ ବସ୍ରେ ନେଇକି ଯାଇଥିଲେ।
ଅଧାବାଟରେ ଛାଡି ଦେଲେ
ଏତିକିରେ କଣ୍ଡକ୍ଟର ବାବୁଙ୍କ ଉତ୍ପାତ ସରି ନଥିଲା। ବାଟରେ ଯୁବତୀଙ୍କୁ କିଛି ନକହି ଚୁପ ରହିଥିଲେ। ହେଲେ ବସ୍ କେନ୍ଦୁଝରରେ ପହଞ୍ଚିବା ଆଗରୁ ଅଧାବାଟରେ ଯୁବତୀଙ୍କୁ ଓହ୍ଲାଇ ଦେଇଥିଲେ। ଘରେ ପହଞ୍ଚି ଯୁବତୀ ଜଣଙ୍କ ପରିବାର ଲୋକଙ୍କୁ ସବୁ କହିବା ପରେ ଥାନାରେ ଏତଲା ଦିଆଯାଇଛି। ଅଭିଯୋଗ ପାଇବା ପରେ ପୋଲିସ୍ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
