ଆଗାମୀ ତ୍ରିସ୍ତରୀୟ ପଞ୍ଚାୟତିରାଜର ନିର୍ବାଚନ ପାଇଁ ସବଡେଗାରେ ବିଜେଡିର କର୍ମୀ ସମ୍ମିଳନୀ

ସୁନ୍ଦରଗଡ ତା:୭/୮/୨୦୨୧( ସନ୍ଧାନ ନିଉଜ/ ରାଜୁ ପଟେଲ ) ଆଗାମୀ ଦିନରେ ହେବାକୁ ଯାଉଥିବା ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନ ପାଇଁ ସବଡେଗା ନେତାଜୀ କ୍ଳବ ପ୍ରାଙ୍ଗଣରେ ବିଜେଡି ପକ୍ଷରୁ ଏକ କର୍ମୀ ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ଆଗାମୀ ନିର୍ବାଚନର ରଣନୀତି ସହିତ ଦଳକୁ ମଜବୁତ କରିବା ପାଇଁ ସମସ୍ତ କର୍ମୀ ଏକତ୍ରିତ ହୋଇଥିଲେ । ସଭାକୁ ସୁନ୍ଦରଗଡ ଜିଲ୍ଲା ସଭାପତି ତଥା ସ୍ୱତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ବିନୟ ଟପ୍ପୋ ଯୋଗଦେଇ ଦଳକୁ ମଜବୁତ କରିବାକୁ ଆହ୍ୱାନ ଦେଇଥିଲେ ।ଏହି କ୍ରମରେ ବିଜେଡି ତରଫରୁ ମୁଖ୍ୟମନ୍ତ୍ରୀଙ୍କ ଦ୍ଵାରା ସୁନ୍ଦରଗଡ ରେ ତିନୋଟି ବଡ଼ ଘୋଷଣା ବିଷୟରେ ଅବଗତ କରିବା ସହିତ ସବଡେଗା ବ୍ଲକ ପାଇଁ ମଧ୍ୟ ବିଜେଡି
ତରଫରୁ ଚାଷୀଙ୍କ ପ୍ରତି ମୁଖ୍ୟମନ୍ତ୍ରୀ ଦୃଷ୍ଟି ଦେଇଥିବା ସଭାରେ ଅବଗତ କରାଯାଇଥିଲା । ସୁକିନ୍ଦା ବିଧାୟକ ଶ୍ରୀଯୁକ୍ତ ପ୍ରୀତି ରଞ୍ଜନ ଘଡେଇ ମୁଖ୍ୟ ଅତିଥି ରୂପେ ଯୋଗଦେଇ ବିଜେଡି କର୍ମକର୍ତାଙ୍କୁ ନିର୍ବାଚନ ବାବଦରେ ଗୁରୁମନ୍ତ୍ର ପ୍ରଦାନ କରିଥିଲେ । ଏହି ସଭାରେ ପ୍ରାୟ ୩୦୦ରୁ ଉର୍ଦ୍ଧ କର୍ମୀ ଯୋଗଦେଇ ନିର୍ବାଚନରେ ପ୍ରତ୍ୟେକ ଅଞ୍ଚଳରେ ନିସ୍ୱାର୍ଥ ଭାବରେ ନିଜ କାର୍ଯ୍ୟ ସମ୍ପାଦନ କରିବାର ସଂକଳ୍ପ ନେଇଥିଲେ ।
ସଭାରେ ଅଂଚଳର ବିଜେଡି ସଭ୍ୟ ଶ୍ରୀଯୁକ୍ତ ମନୋଜ ପଟେଲ,ଶ୍ରୀଯୁକ୍ତ ହାରୁନ ରସିଦ,ଶ୍ରୀଯୁକ୍ତ ଅନିଲ ବେହେରା,ଶ୍ରୀଯୁକ୍ତ ସିଭିଲ ନାଏକ,ଶ୍ରୀଯୁକ୍ତ ମୌସମ ପଟେଲ ପ୍ରମୁଖ ଉପସ୍ଥିତ ରହି କାର୍ଯ୍ୟ ତଦାରଖ କରିଥିଲେ ।