ଅତ୍ୟଧିକ କାର୍ଯ୍ୟ ପାଇଁ ଚିନ୍ତା ଗ୍ରସ୍ତ ହୋଇ ବିଏସଏଫ ଯବାନ ଘରେ ଚଲାଇଲେ ଗୁଳି,୫ ମୃତ

ଗୁଳି ଚଳାଇଥିବା ଯବାନ ମଧ୍ୟ ନିଜକୁ ଗୁଳି ଚଳାଇଥିଲା। ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା ହେଲେ ବର୍ତ୍ତମାନ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏନେଇ ପୋଲିସ ତଦନ୍ତ ଆରମ୍ଭ କରିଛି। ସମସ୍ତ ଆହତଙ୍କୁ ଗୁରୁ ନାନକ ଦେବ ଡାକ୍ତରଖାନାରେ ଭର୍ତ୍ତି କରାଯାଇଛି । ଅଭିଯୋଗ ହୋଇଛି ଯେ ବିଏସ୍ଏଫର କନେଷ୍ଟବଳ ସୁତାପ୍ପା ଙ୍କୁ ଅଧିକ କାମ କରିବାକୁ କୁହାଯାଉଥିଲା। ସେ ମହାରାଷ୍ଟ୍ରର ବାସିନ୍ଦା । ଭାରୀ ଡ୍ୟୁଟି ହେତୁ ସୁତାପ୍ପା ବହୁତ ବିରକ୍ତ ହୋଇଥିଲେ । ଏପରିକି ସେ ଜଣେ ଅଧିକାରୀଙ୍କ ସହ ଯୁକ୍ତିତର୍କ ମଧ୍ୟ କରିଥିଲେ । ଆଜି ସକାଳେ ସେ ରାଇଫଲ ସାହାଯ୍ୟରେ ଗୁଳି ଚଳାଇବା ଆରମ୍ଭ କରିଥିଲେ । ଗୁଳି ବିନିମୟ ପରେ ବିଶୃଙ୍ଖଳା ପରିସ୍ଥିତି ଉପୁଜିବାରୁ ଅନେକ ଲୋକ ଆହତ ହୋଇଥିଲେ । ଗୁଳି ବିନିମୟ ପରେ ସୁତାପ୍ପା ନିଜକୁ ଗୁଳି ଚଳାଇଥିଲା। ବିଏସଏଫ ଅଧିକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ମୃତଦେହକୁ ପୋଲିସ ପୋଷ୍ଟମର୍ଟମ ପାଇଁ ପଠାଇଛି । ଆହତଙ୍କ ପରିବାର ଲୋକଙ୍କୁ ମଧ୍ୟ ସୂଚନା ଦିଆଯାଇଛି।