ଅଗ୍ନିକାଣ୍ଡ, ୨ପରିବାର ସର୍ବସ୍ୱାନ୍ତ

ଯାଜପୁର, ୧୮/୩(ସନ୍ଧାନ ନିୟୁଜ/ଜେ ରାଉତ): ରସୁଲପୁର ତହସିଲ ଅନ୍ତର୍ଗତ ରାହାମ୍ବା ପଂଚାୟତ ମିର୍ଜାପୁର ଗ୍ରାମର ସଂଖ୍ୟାଲଘୁ ସଂପ୍ରଦାୟ ସାହିରେ ଆଜି ଅପରାହ୍ନରେ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ଦୁଇ ମୁସଲିମ୍ ପରିବାର ସର୍ବସ୍ୱାନ୍ତ ହୋଇଯାଇଛି । ଅଗି୍ନକାଣ୍ଡ ଯୋଗୁଁ ଅବଦୁଲ କାଦିର ଓ ସେକ୍ ସାଦିର ୨ଭାଇଙ୍କ ସମସ୍ତ ଆସବାସପତ୍ର ପୋଡି ପାଉଁଶ ହୋଇଯାଇଛି । ନିଆଁର ଭୟଭୟତା କରାଣରୁ ଘର ଭିତରୁ କୌଣସି ଜିନିଷ ପଦାକୁ ବାହାର କରାଯାଇ ପାରିନଥିଲା । ଖବରପାଇ ରସୁଲପୁର ଦମକଳ ବାହିନୀ ଘଟଣା ସ୍ଥଳରେ ପହଁଚିଲା ବେଳକୁ ସବୁ ଜିନିଷପତ୍ର ପୋଡି ପାଉଁଶ ହୋଇଯାଇଥିଲା ।
ଘଟଣାରୁ ପ୍ରକାଶ ରୋଷେଇ ଘରୁ ନିଆଁ ଝୁଲ ଉଡି ଚାଳରେ ପଡିଥିଲା । ଏହି ସମୟରେ ଦୁଇ ପରିବାରର କେବଳ ମହିଳା ସଦସ୍ୟମାନେ ଘରେ ଉପସ୍ଥିତ ଥିଲେ । ନିଆଁ ଲାଗି ଯାଇଥିବା ଦେଖି ସାହି ଲୋକଙ୍କୁ ଡାକିଥିଲେ । ସ୍ଥାନୀୟ ଲୋକେ ନିଆଁ ଲଭାଇବାରେ ବିଫଳ ହୋଇଥିଲେ । ଦମକମଳ ବାହିନୀ ପହଁଚିଲା ବେଳେକୁ ଲିଭାଇବା ପାଇଁ କିଛି ବାକି ନଥିଲା । ଘର ପୋଡି ଯିବା କାରଣରୁ ଦୁଇ ପରିବାର ମୁଣ୍ଡ ଗୁଞ୍ଜିବା ପାଇଁ ସୁରକ୍ଷିତ ଜାଗା ନାହିଁ । ସେମାନେ ପର ଦୁଆରେ ବାସ କରୁଛନ୍ତି । ଖବର ପାଇ ନରସିଂହପୁର ରାଜସ୍ୱ ନିରୀକ୍ଷକ ଘଟଣା ସ୍ଥଳରେ ପହଁଚି କ୍ଷୟକ୍ଷତିକୁ ଆକଳନ କରିବା ସହ ତତ୍କ୍ଷଣାତ୍ ପାଲର ବନେ୍ଦାବସ୍ତ କରିଛନ୍ତି । ଦୁଇ ଗରୀବ ପରିବାରକୁ ସରକାରୀ ବାସଗୃହ, ବାସକୁସନ, ଲୁଗାପଟା ଆଦି ପ୍ରଦାନ କରିବା ପାଇଁ ସାଧାରଣରେ ଦାବି ହେଉଛି ।