ଧର୍ମଶାଳା, ୭/୪ (ସନ୍ଧାନ ନିୟୁଜ/ମାନସ ରାଉତ) ଗତକାଲି ବିଳମ୍ବିତ ରାତିରେ ଧର୍ମଶାଳା ତହସିଲ ଅନ୍ତର୍ଗତ ଦୁଇଟି ଗ୍ରାମରେ ଅଗ୍ନିକାଣ୍ଡ ଘଟି ୬ଭଖରୁରୁ ଉର୍ଦ୍ଧ ଚାଳଛପର ଘୋର ପୋଡି ଯିବା ସହ ଏଥିରେ ବାସ କରୁଥିବା ୪ପରିବାର ସର୍ବସାନ୍ତ ହୋଇପଡିଛନ୍ତି । ଏହି ତହସିଲର ସୁନ୍ଦରିଆ ପଂଚାୟତ ସାରୋଇ ଗ୍ରାମର ଯୁଧିଷ୍ଟିର ମଳିକ ୨ଭଖରା, ନବକିଶୋର ମଳିକ, ଭଗ୍ୟଧର ମଳିକଙ୍କ ଗୋଟିଏ ଲେଖାଏଁ ଘର ପୋଡି ଯାଇଛି । ଅଗ୍ନିକାଣ୍ଡର ପକୃତ କାରଣ ଜଣପଡିନଥିବା ବେଳେ ବିଦୁ୍ୟତ ସର୍ଟସର୍କିଟରୁ ହୋଇଥିବା ଅନୁମାନ କରାଯାଉଛି । ରାତି ୧ଟା ବେଳେ ହଠାତ ଘରର ପଛ ପାଖରେ ନିଆଁ ଲାଗି ଅନ୍ୟ ଘରକୁ ବ୍ୟାପି ଯାଇଥିଲା । ଚଣ୍ଡିଖୋଲ ଦମକଳ କେନ୍ଦ୍ରକୁ ଯୋଗାଯୋଗ କରାଯାଇଥିଲେ ସୁଧା ଫୋନ ଲାଗିନଥିଲା । ଫଳରେ ଗ୍ରାମବାସୀ ନିଆଁ ନିଭାଇବାକୁ ଚେଷ୍ଟା କରିଥିଲେ ସୁଧା ଆୟତ୍ତ କରିପାରିନଥିଲେ । ସକାଳୁ ଯାଇ ଦମକଳ କେନ୍ଦ୍ରକୁ ସୂଚାନା ଦେବାରୁ ଦମକଳ କେନ୍ଦ୍ର ତରଫରୁ ଘଟଣସ୍ଥଳକୁ ଆସି ଅନୁଧ୍ୟାନ କରିଫେରିଛନ୍ତି । ସେହିପରି ଅଗ୍ନକାଣ୍ଡରେ ତିିନିଭାଇଙ୍କର ଘରର ସମସ୍ତ ଆସବାପତ୍ର, ଲୁଗାପଟା, ନଗଦ ଟଙ୍କା, ଫ୍ୟାନ, ମଟର, ବାସନକୁସନ ଆଦି ପୋଡିଯାଇଥିବା ଜଣାଯାଇଛି । ମାତ୍ର ଦମଳକ କେନ୍ଦ୍ରର ଫୋନ ନଲାଗିବା କରରଣୁ ନିଆଁକୁ ଆୟତ୍ତ କରିହେଲା ନାହିଁ ବୋଲି ଗ୍ରାମବାସୀ ପ୍ରକାଶ କରିଛନ୍ତି । ସେହିପରି ଜେନାପୁର ଥାନା ଅନ୍ତର୍ଗତ ବାରକଣା ଗ୍ରାମର ଦୁଃଖୀବନ୍ଦୁ ମଳିକଙ୍କରତିନିଭଖରା ଚାଳ ଛଫର ଘର ସହ ଘର ଥିବା ସମସ୍ତ ଆସବାପତ୍ର ପୋଡି ଯାଇଥିବା ଜଣାଯାଇଛି । ସମସ୍ତ ପରିବାର ଗରିବ ଶ୍ରେଣୀର ହୋଇଥିବା ବେଳେ ସେମାନଙ୍କୁ ତୁରନ୍ତ ସରକାରୀ ସାହାର୍ଯ୍ୟ ଯୋଗାଇ ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି ।
