ଗୁରୁବାର ରାଜ୍ୟ ସରକାରଙ୍କ ପକ୍ଷରୁ ଜାରି ହୋଇଥିବା ଗାଇଡଲାଇନ ଅନୁସାରେ କରୋନା ପାଇଁ ସାମାଜିକ ଦୂରତ୍ୱ (ସୋସିଆଲ ଡିଷ୍ଟାନ୍ସ) ଉପରେ ଗୁରୁତ୍ୱ ଦିଆଯାଉଛି। ସେଲୁନ, ବ୍ୟୁଟି ପାର୍ଲର ଓ ସ୍ପା’ରେ ଗ୍ରାହକ ଓ ସେବାପ୍ରଦାନକାରୀ ମଧ୍ୟରେ ଦୂରତ୍ୱ ଗୋଟିଏ ମିଟର ମଧ୍ୟରେ ନରହିଲେ ସମ୍ଭବପର ହେଉନଥିବାରୁ ଏସବୁ ବନ୍ଦ କରିଦିଆଯାଇଛି। ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଏହି ଦୋକାନଗୁଡ଼ିକ ବନ୍ଦ ରହିବ।

ସେହିପରି ପୋଖରୀ ଓ ଜଳଭଣ୍ଡାରରେ ପରିଚ୍ଛନ୍ନତା ରହୁନଥିବାରୁ କରୋନା ସଂକ୍ରମଣର ଆଶଙ୍କା ଥିବାରୁ ଗାଧେଇବା, ସଫା କରିବା ଓ ଅନ୍ୟାନ୍ୟ କାର୍ଯ୍ୟ ନକରିବା ପାଇଁ ପରାମର୍ଶ ଦିଆଯାଇଛି। ପଞ୍ଚାୟତ ପ୍ରତିନିଧିମାନଙ୍କ ମାଧ୍ୟମରେ ସାଧାରଣ ଲୋକମାନଙ୍କୁ ଏଭଳି ପ୍ରଦୂଷିତ ଜଳ ଉପଯୋଗ ନକରିବାକୁ ସଚେତନ କରାଇବାକୁ କୁହାଯାଇଛି। ହ୍ୟାଣ୍ଡ ପମ୍ପ, ଟ୍ୟୁବୱେଲ୍ ଓ ଅନ୍ୟ ପାଇପ୍ ଜଳଯୋଗାଣ ମାଧ୍ୟମରେ ଏସବୁ କାର୍ଯ୍ୟ କରିବାକୁ କୁହାଯାଇଛି। ଯେଉଁ ଲୋକମାନେ ଥଣ୍ଡା, ଜ୍ୱର ଓ କାଶରେ ସଂକ୍ରମିତ ସେମାନେ ହ୍ୟାଣ୍ଡପମ୍ପ ଉପଯୋଗ ନକରି ଅନ୍ୟମାନଙ୍କ ସହାୟତା ପାଣି ନେବାକୁ ପରାମର୍ଶ ଦିଆଯାଇଛି।