ସମ୍ବଲପୁର,୧୯/୦୭ (ସନ୍ଧାନ ନିଉଜ): ଲକଡାଉନରେ ସମ୍ବଲପୁର ଡିୟରପାର୍କକୁ ଆସିଛନ୍ତି ନୂଆ ଅତିଥି । ଡିୟର ପାର୍କରେ ଥିବା ମାଈ ଅଜଗରର ଅଣ୍ଡାରୁ 10ଟି ଅଜଗର ଛୁଆ ଜନ୍ମ ହୋଇଛନ୍ତି । ହୀରକୁଦ ବନ୍ୟପ୍ରାଣୀ ବନଖଣ୍ଡର ଡିଏଫଓ ଏନେଇ ସୂଚନା ଦେଇଛନ୍ତି ।ମାଈ ଅଜଗରଟି 21 ଟି ଅଣ୍ଡା ଦେଇଥିବା ବେଳେ ଏଥିରୁ 11ଟି ଅଣ୍ଡା ନଷ୍ଟ ହୋଇ ଯାଇଥିଲା । ଆଉ 10ଟି ଅଣ୍ଡାରୁ 10ଟି ଅଜଗର ଛୁଆ ଜନ୍ମ ହୋଇଛନ୍ତି । ତେବେ ଡିୟରପାର୍କ ପ୍ରତିଷ୍ଠା ହେବା ଦିନଠାରୁ ଏଠାରେ ଥିବା ଅଜଗର ଯେଉଁସବୁ ଅଣ୍ଡା ଦାନ କରୁଥିଲେ ପୂର୍ବରୁ ସବୁତକ ନଷ୍ଟ ହୋଇଯାଉଥିଲା । ତେବେ ଏଥର ଡିୟରପାର୍କର ଇତିହାସରେ ପ୍ରଥମ ଥର ପାଇଁ ଅଜଗର ଦେଉଥିବା ଅଣ୍ଡାରୁ ଛୁଆ ଜନ୍ମ ହୋଇଛନ୍ତି ।