ବାଲେଶ୍ଵର:୧୭/୦୭ (ସନ୍ଧାନ ନ୍ୟୁଜ୍)-: ଆକ୍ସନ ମୋଡରେ ବାଲେଶ୍ଵର ଜିଲ୍ଲା ନୀଳଗିରି ଏସଡିପିଓ । ରାତି ଅଧିଆ କଲେ ଚଢ଼ାଉ। ବିଭିନ୍ନ ସ୍ଥାନରେ ଚଢାଉ କରି ଦୁଇଟି ଚୋରା ପଥର ବୋଝେଇ ଟ୍ରକ ଓ ଏକ ଗୋରୁ ବୋଝେଇ ଅଟୋ ଜବତ କରିବା ସହ ଏକ ମଦ ଭାଟି ଉପରେ ଚଢଉ କରିଛନ୍ତି।
ସୂଚନା ଅନୁସାରେ, ବାଲେଶ୍ଵର ଜିଲ୍ଲା ନୀଳଗିରି ଏସଡିପିଓ ଶୁକ୍ରବାର ବିଭିନ୍ନ ସ୍ଥାନରେ ରାତି ଅଧିଆ ଚଢ଼ଉ କରିଥିଲେ। ରେମୁଣା ଥାନା ମନ୍ଦାରପୁର ଅଞ୍ଚଳରେ ଏକ ଚୋରା ମଦ ଭାଟିରେ ମଦ ରନ୍ଧା ହେଉଥିବାବେଳେ ନୀଳଗିରି ଏସଡିପିଓ ରିତେଶ କୁମାର ମହାପାତ୍ର ଅଚାନକ ଚଢ଼ଉ କରି ହଜାର ଲିଟରରୁ ଅଧିକ ପୋଚ୍ ସହ ୨୫୦ ଲିଟର ଦେଶୀ ଓ ରନ୍ଧା ମଦ ଜବତ କରିଥିଲେ। ଏହା ସହ ୨ ଜଣ ଅଭିଯୁକ୍ତ ଗିରଫ ହୋଇଛନ୍ତି।
ଏତଦ୍ ବ୍ୟତୀତ ଫେରିବା ରାସ୍ତାରେ ଦୁଇଟି ଚୋରା ପଥର ବୋଝେଇ ଟ୍ରକ୍ ଓ ଏକ ଗୋରୁ ବୋଝେଇ ଟ୍ରକ୍ ସେ ଜବତ କରିଥିଲେ। ଏକ ଚାରିଚକିଆ ଗାଡିରେ ଅତି ଅମାନୁଷିକ ଭାବେ ୮ ଟି ଗୋରୁ ଚାଲାଣ ହେଉଥିବା ସେ ଦେଖି ଡ୍ରାଇଭର ସମେତ ୩ ଜଣଙ୍କୁ ଗିରଫ କରିଛନ୍ତି । ସେହିପରି ଆନିକାପୁର ଅଞ୍ଚଳରୁ ୪ଟି ଚୋରା ବାଲି ବୋଝେଇ ଟ୍ରାକ୍ଟର ଜବତ କରିଥିବା ବେଳେ ଜଣଙ୍କୁ ଅଟକ ରଖି ପଚରାଉଚୁରା କରୁଛନ୍ତି।
