ମର୍ମନ୍ତୁଦ ସଡ଼କ ଦୁର୍ଘଟଣା, ୧୫ଗୁରୁତର

ରାସଗୋବିନ୍ଦପୁର, 29/1 (ସନ୍ଧାନ ନିଉଜ୍)  ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଅନ୍ତର୍ଗତ ଷ୍ଟେସନ ଅମରଦା-ରାସଗୋବିନ୍ଦପୁର ରାସ୍ତା ବାଙ୍କବଣ ଠାରେ କାର ସ ଅଟୋ ମୁହାଁମୁହିଁ ଧକ୍କା। ୧୫ରୁ ଉର୍ଦ୍ଧ୍ବ ଆହତଙ୍କୁ ସ୍ଥାନୀୟ ରାସଗୋବିନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି।ଘଟଣାସ୍ଥଳରେ ରାସଗୋବିନ୍ଦପୁର ପୋଲିସ ଓ ଦମକଳ ବାହିନୀ ପହଞ୍ଚି ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛିନ୍ତି। ୯ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ପ୍ରାଥମିକ ଚିକିତ୍ସା ପରେ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଏଣ୍ଡ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ସୂଚନା ଅନୁସାରେ ରସଗୋବିନ୍ଦପୁର ଅଞ୍ଚଳର ଆହତ ଦିନମଜୁରିଆ ମାନେ ଅଟୋ ଭଡା କରି ଷ୍ଟେସନ ଅମରଦା ପ୍ରେତ୍ୟକ ଦିନ ଭଳି ଆଜି ମଧ୍ୟ କାମକରି ଫେରୁଥିବା ବେଳେ ବାଙ୍କବଣ ଠାରେ ଦୁର୍ଘଟଣାର ସୁମ୍ମୁଖୀନ ହୋଇଥିଲେ। ଏହି ଘଟଣା ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି କରିଥିବା ବେଳେ ରସଗୋବିନ୍ଦପୁର ଡାକ୍ତରଖାନା ପରିସର ଲୋକରଣ୍ୟ ହୋଇଯାଇଛି। ଅନ୍ୟପଟେ ନିର୍ଦିଷ୍ଟ ସେହି ସ୍ଥାନରେ ବିଭିନ୍ନ ସମୟରେ ସାଙ୍ଘାତିକ ଦୁର୍ଘଟଣା ଘଟୁଥିଲେ ମଧ୍ୟ ପ୍ରଶାସନ ଦୃଷ୍ଟି ଗୋଚର ନହେବା ନେଇ ଅସନ୍ତୋଷ ଦେଖା ଦେଇଛି।