ଜେନାପୁର, ୦୭/୧୦/(ସନ୍ଧାନ ନିଉଜ୍/ପ୍ରଶାନ୍ତ ସାମଲ) ଧର୍ମଶାଳା ବ୍ଲକ ଅନ୍ତର୍ଗତ ଜେନାପୁର ଥାନା ରାଇଚନ୍ଦା ଗ୍ରାମ ପଞ୍ଚାୟତ ଅଧିନ ବାରକଣା ସାପ୍ତାହିକ ହାଟ ମଧ୍ୟରେ ଥିବା ହନୁମାନ ମନ୍ଦିର ପରିସରରେ ଆଜି ଭୋରୁ ଏକ ଯୁବକର ମୃତ୍ୟୁ ଦେହ ଦେଖିବାକୁ ମିଳିଥିଲା । ମୃତକ ଯୁବକ ଜଣକ ହେଲେ ଏହି ଥାନା ଅଧିନ ଏଣ୍ଡଳବା ଗ୍ରାମ ପଞ୍ଚାୟତ କଲାଣ୍ଡ ଗ୍ରାମର ମାଧବାନନ୍ଦ ପଲେଇଙ୍କ ପୁଅ ନନ୍ଦ କିଶୋର ପଲେଇ (ନନ୍ଦ)୨୦ ବୋଲି ଜଣାପଡିଛି । ଘଟଣାରୁ ପ୍ରକାଶ ଯେ ନନ୍ଦର ବାପା କହିବା ଅନୁଯାୟୀ ଗତକାଲି ରାତି ପ୍ରାୟ ୮.୩୦ ବେଳକୁ ଘରେ ଖିଆ ପିଆ କରି ନନ୍ଦ ଆମ ପଡ଼ିଶା ଘରକୁ ତା ସାଂଗ ନିକଟକୁ ଶୋଇବାକୁ ଯାଇଥିଲା ହଟାତ ସକାଳୁ ଶୁଣିବାକୁ ପାଇଲୁ ଯେ ମୋ ପୁଅ ଆଉ ଏ ଦୁନିଆରେ ନାହିଁ ବୋଲି । ନନ୍ଦର ସାଙ୍ଗକୁ ପଚାରି ବୁଝିବାରୁ ସେ କହିଥିଲେ କି ନନ୍ଦ ଗତକାଲି ରାତିରେ ଆମ ଘରକୁ ଶୋଇବାକୁ ଆସି ନଥିଲା ଆଉ ସିଏ ଯେଉଁଠି ମରିକି ପଡ଼ିଛ ସେଇ ଗ୍ରାମର ଗୋଟେ ଝିଅକୁ ଦୀର୍ଘ ଦୁଇ ବର୍ଷ ହେବ ଭଲ ପାଉଥିଲା । ଆଉ ମୁଁ ସେ ଝିଅ ସାଙ୍ଗରେ କଥା ମଧ୍ୟ ହେଇଛି କିନ୍ତୁ କିଛି ଦିନ ହେବ ତାଙ୍କ ଦୁଇ ଜଣଙ୍କ ମଧ୍ୟରେ ମନ ମାଳିନୀ ହେଇ ଥିବାର ମୁଁ ଜାଣିବାକୁ ପାଇଥିଲି କାଲି ରାତିରେ କଣ କଥା ହେଲେ କେଜାଣି ରାତ୍ରି ପ୍ରାୟ ୨,୩୦ ବେଳକୁ ପ୍ୟାଣ୍ଟ ସାର୍ଟ ବୁଟୁ ପିନ୍ଧି ଏକ ସାଇକେଲ ନେଇ ଯାଇଥିବାର ଗ୍ରାମର କିଛି ଲୋକ ଦେଖିଥିଲେ ।ସକାଳୁ ଖବର ଆସିଲାକୀ ନନ୍ଦ ମନ୍ଦିର ପାଖରେ ମରିକି ପଡିଛି । ଖବର ପାଇ ଜେନାପୁର ପୋଲିସି ଘଟଣା ସ୍ଥଳରେ ପହଞ୍ଚି ଶବ ଜବଦ କରି ଘର ଲୋକଙ୍କୁ ପଚାର ଉଚାର କରିବା ସହ ଶବ ବ୍ୟବଚ୍ଛେଦ ନିମନ୍ତେ ଦାନ ଗଦି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ତଦନ୍ତ ଜାରି ରଖିଛି ପୋଷ୍ଟ ମଟମ୍ ରିପୋର୍ଟ ଆସିଲେ ଜଣା ପଡ଼ିବ ଏହା ଏକ ହତ୍ୟା ନା ଆତ୍ମହତ୍ୟା ।
