ବାରିପଦା ପୌର ପରିଷଦ ସ୍ବଚ୍ଛସାଥୀ ଓ ସୁପରଭାଇଜର ସଂଘ ଗଠିତ

ବାରିପଦା, 09.12.2020 (ଲିଙ୍ଗରାଜ ପଣ୍ଡା): ସ୍ଥାନୀୟ ପାଲବଣିଠାରେ ବାରିପଦା ପୌର ପରିଷଦରେ କାର୍ଯ୍ୟରତ ସଚ୍ଚସାର୍ଥୀ ଓ ସୁପରଭାଇଜର ସଂଘ ଗଠିତ ହୋଇଛି। ରେହାନା ସୁଲତାନା ଓ ମମତା ମିଶ୍ରଙ୍କ ତତ୍ବାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୌର ପରିଷଦର ଅବସରପ୍ରାପ୍ତ କର୍ମଚାରୀ ନନ୍ଦ କୁମାର ମହାପାତ୍ର ମୁଖ୍ୟଅତିଥି, ବରିଷ୍ଠ ସଙ୍ଗଠକ କାହ୍ନଚରଣ ବେହେରା ମୁଖ୍ୟବକ୍ତା, ଅବସିରପ୍ରାପ୍ତ ଅଧ୍ୟାପକ ଗୋପବନ୍ଧୁ ସମ୍ମାନିତ ଅତିଥି ଭାବେ ଯୋଗ ଦେଇ, ସ୍ଵଚ୍ଛସାଥୀ ଓ ସୁପରଭାଇଜରଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ସ୍ୱଚ୍ଚସାଥୀ ଓ ସୁପରଭାଇଜରଙ୍କ ପ୍ରାପ୍ୟାରାଶି ସିଧାସଳଖ ବ୍ୟାଙ୍କ ଜମାଖାତାକୁ ଆସିବା ଉପରେ ଆଲୋଚନା ହୋଇଥିଲା ସଚ୍ଚସାଥୀଙ୍କ ପ୍ରୋତ୍ସାହନ ରାଶି ମାସିକ ୧୨ହଜାର ଓ ସୁପରଭାଇଜରମାନଙ୍କ ପ୍ରୋତ୍ସାହନ ରାଶି ମାସିକ ୧୫ ହଜାର ଟଙ୍କାକୁ ବୃଦ୍ଧି କରାଯିବା ନିମନ୍ତେ ଦାବି ଉପସ୍ଥାପିତ କରାଯାଇଛି। ଏହି ଅବସରରେ ସଂଘର କର୍ମକର୍ତ୍ତା ଚୟନ କରାଯାଇଥିଲା । ରେହାନା ସୁଲତାନା ସଭାପତି, ଇତିଶ୍ରୀ ମିଶ୍ର ଓ ପଦ୍ମାଳୟା ନାଥ ଉପସଭାପତି, ମମତା ମିଶ୍ର ସାଧାରଣ ସମ୍ପାଦିକା, ତନୁସ୍ମିତା ଦତ୍ତ ସହ ସମ୍ପାଦିକା, ଭାନୁପ୍ରିୟା ପାଣିଗ୍ରାହୀ କୋଷାଧ୍ୟକ୍ଷ, ନ୍ଦକୁମାର ମହାପାତ୍ର, କାହ୍ନଚରଣ ବେହେରା ଓ ଗୋପବନ୍ଧୁଙ୍କୁ ସଂଘର ପରାମର୍ଶଦାତା ଭାବେ ମନୋନୀତ କରାଯାଇଛି । ଏଥିସହିତ ବିନତୀ ନାଥ, ରେହାରାଣୀ ଦାସ, ସୁଜାତା ଦଳେଇ, ପ୍ରଭାବତୀ ସାହୁ, ଗାୟତ୍ରୀ ଖାତୁନ, ଅନୁପମା ନନ୍ଦ, ବାସନ୍ତୀ ମୁଖୀ, ଦମୟନ୍ତୀ କରଙ୍କ ସମେତ ୧୩ ଜଣଙ୍କୁ ସଂଘର କାର୍ଯ୍ୟକାରୀ କମିଟି ସଦସ୍ୟ ଭାବେ ମନୋନୀତ କରାଯାଇଛି।