ପୁରାତନ ଛାତ୍ରସଂଘର ବନ୍ଧୁମିଳନ ଓ ସମ୍ବର୍ଦ୍ଧନା ଉସôବ

ଯାଜପୁର,୨୨.୬(ସନ୍ଧାନ ନିଉଜ/ମାନସ ରାଉତ):- ବଡଚଣା ବ୍ଲକ ସିହା ଗ୍ରାମ ପଞ୍ଚାୟତ ଅଧିସନ୍ଥ ଭଗବତୀ ଉଚ୍ଚବିଦ୍ୟାଳୟ ପୁରାତନ ଛାତ୍ର ସଂଘର ବନ୍ଧୁମିଳନ ଓ ଶ୍ରେଷ୍ଠ ବିଦ୍ୟାର୍ଥୀ ସମ୍ବର୍ଦ୍ଧନା ଉସôବ ବିଦ୍ୟାଳୟ ପରିସରରେ ପୁରାତନ ସଂଘର ସଭାପତି ଜୟନ୍ତ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଅବସରପ୍ରାପ୍ତ ଡାକ୍ତର କୃଷ୍ଣଚନ୍ଦ୍ର ରାଏ ଓ ବିଦ୍ୟାଳୟର ପ୍ରଧାନ ଶିକ୍ଷକ ଦେବେନ୍ଦ୍ର କୁମାର ସାହୁ ଅତିଥି ଭାବେ ଯୋଗଦେଇ ଚଳିତ ବର୍ଷ ମାଟ୍ରିକ ପରିକ୍ଷାରେ ସର୍ବୋଚ ନମ୍ବର ରଖି ଉତିର୍ଣ୍ଣ ହୋଇଥିବା ଛାତ୍ରୀ ଦିପସ୍ମିତା ଶୁଭଦର୍ଶିନୀ କୁ ପୁଷ୍ପଗୁଚ୍ଛ ମାନପତ୍ର ସହ ଅର୍ଥରାଶି ଦେଇ ସମ୍ବର୍ଦ୍ଧିତ କରିଥିଲେ । ପୁରାତନ ସଂଘର ସଂପାଦକ ଆଇନଜୀବୀ ଉଦୟନାତ ସାହୁ ପାରମ୍ଭିକ ସୂଚନା ପ୍ର୍ରଦାନ କରିଥିଲେ । ସଭାରେ ରାଜ୍ୟ ସରକାରଙ୍କ ପକ୍ଷରୁ ଚାଲିଥିବା ମୋ ସ୍କୁଲ ଅଭିଯାନ କାର୍ଯ୍ୟକ୍ରମରେ ପୁରାତନ ଛାତ୍ରସଂଘର ସଂପୁର୍ଣ୍ଣ ସହଯୋଗ ରହିବ ବୋଲି ସଂଘ ପକ୍ଷରୁ ନିଷ୍ପତ୍ତି ଗ୍ରହଣ କରାଯାଇଥିଲା । ବିଦ୍ୟାଳୟର ବିଭିନ୍ନ ପ୍ରକାର ଉନ୍ନୟନ ମୂଳକ କାର୍ଯ୍ୟକ୍ରମରେ ପୁରାତନ ସଂଘର ସହଯୋଗ ଓ ନିୟମିତ ଭାବରେ ବୈଠକ ହେବା ପାଇଁ ବୈଠକରେ ଧାର୍ଯ୍ୟ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ସଂଘର ସଭ୍ୟ ରଂଜିତ କୁମାର ବାରିକ,ସଚ୍ଚିତାନନ୍ଦ ବଳ,ପ୍ରଫୁଲ କୁମାର ସାହୁ,ବ୍ରଜକିଶୋର ସାହୁ,ଶୁକଦେବ ଜେନା,ଲୋପାମୁଦ୍ରା ପ୍ରୀୟଦର୍ଶିନୀ କାର୍ଯ୍ୟକ୍ରମରେ ସହଯୋଗ କରିଥିବା ବେଳେ ଶୁଭକାନ୍ତ ନାୟକ ଧନ୍ୟବାଦ ଦେଇଥିଲେ ।