ଓଡିଶା ପ୍ରଶାସନିକ ସେବାରେ ଡା. ରୋଜାଲିନି ବେହେରାଙ୍କ ସଫଳତା

ଧର୍ମଶାଳା, ୮/୧ (ସନ୍ଧାନ ନିୟୁଜ) ଚଳିତ ବର୍ଷ ଓଡିଶା ପ୍ରଶାସନିକ ସେବାରେ ଧର୍ମଶାଳା ନିର୍ବାଚନ ମଣ୍ଡଳୀ ଅନ୍ତର୍ଗତ ନେଉଳପୁର ଗ୍ରାମର ଡା. ରେଜାଲିନି ବେହେରା ସଫଳତାର ସହିତ କୃତକାର୍ଯ୍ୟ ହୋଇଛନ୍ତି । ସେ ୧୨୦ତମ ସ୍ଥାନରେ ରହି ଏହି ସଫଳତା ଅର୍ଜନ କରିଛନ୍ତି । ସେ ଅନୁଗୁଳ ନିଉ ଇଣ୍ଡିଆ ଆମୁ୍ୟରାନ୍ସ ଶାଖାର ବରିଷ୍ଠ ଶାଖା ପରିଚାଳକ ଶ୍ରୀଯୁକ୍ତ ସତ୍ୟନାରାୟଣ ବେହେରା ଓ ନିରୁପମା ବେହେରାଙ୍କର ଏକ ମାତ୍ର କନ୍ୟା । ଡା. ରେଜାଲିନି ବେହେରା ଧର୍ମଶାଳା ଅନ୍ତର୍ଗତ ଚିଲଡ୍ରେନ୍ ପାରାଡାଇଜ୍ ପବ୍ଲିକ ସ୍କୁଲ୍ର ପୂର୍ବତନ ଛାତ୍ରୀ ଓ ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟର ପଶୁ ଚିକିତ୍ସା ଓ ପଶୁ ପାଳନ ବିଭାଗର ଶେଷ ବର୍ଷର ସ୍ନାତ୍ତୋକତର ଛାତ୍ରୀ । ସେ ପ୍ରଥମ ପ୍ରଚେଷ୍ଟାରେ ବିନା କୌଣସି ପ୍ରଶିକ୍ଷଣରେ ଏହି ସଫଳତା ପାଇଛନ୍ତି । ସେ ତାଙ୍କର ସଫଳତାର ଶ୍ରେୟ ଈଶ୍ୱର ଏବଂ ତାଙ୍କର ପିତାମାତାଙ୍କ ଆଶୀର୍ବାଦ ସହିତ ତାଙ୍କର ସମସ୍ତ ଶିକ୍ଷକ ଶିକ୍ଷୟତ୍ରୀ, ଅଧ୍ୟାପକ ଅଧ୍ୟାପିକା ଏବଂ ପରିବାର ବର୍ଗକୁ ଦେଇଛନ୍ତି । ସେ ନେଉଳପୁର ଗ୍ରାମର ବାବାଜୀ ଚରଣ ବେହେରା, ଶାନ୍ତିଲତା ବେହେରା, ବନମାଳୀ ବେହେରା, ମଞ୍ଜୁଲତା, ବେହେରା ଭାଗ୍ୟଧର ଦାସ୍ଙ୍କ ପୌତ୍ରୀ ଅଟନ୍ତି । ଆଗାମୀ ଦିନରେ ଓଡିଶା ଭଳି ରାଜ୍ୟରେ ଶିକ୍ଷାର ବିକାଶ ଏବଂ ସ୍ୱାସ୍ଥ୍ୟ ସେବାରେ ଉନ୍ନତି ନିମନ୍ତେ କାର୍ଯ୍ୟ କରିବେ ବୋଲି ସେ ପ୍ରକାଶ କରିଛନ୍ତି । REPORT- MANAS ROUT AND BIMAL BEHERA